Populære bibelvers fra လုကာ 8

Del

ကောင်းသော​မြေ​၌ ကျသည့်​မျိုးစေ့​မှာ တရားစကား​ကို ကြား​သောအခါ စစ်မှန်​ကောင်းမွန်သော​စိတ်နှလုံး​နှင့် စွဲမြဲစွာ​ခံယူ​၍ တည်ကြည်​စွာ အသီး​သီးသော​သူ​ကို ဆိုလို၏။

ဆူးပင်​ကြား​တွင် ကျသော​မျိုးစေ့​မှာ တရားစကား​ကို ကြား​သော်လည်း သူတို့​၏​စိုးရိမ်​ပူပန်ခြင်း၊ ချမ်းသာ​ကြွယ်ဝခြင်း၊ အပျော်အပါး​လိုက်စားခြင်းတို့​သည် ကြီးထွားခြင်း​ကို ပိတ်ဆို့ထား​သဖြင့် အသီး​မသီးနိုင်သော​သူတို့​ကို ဆိုလို၏။

ကျောက်ပေါသော​မြေ​တွင် ကျသော​မျိုးစေ့​မှာ တရားစကား​ကို​ကြား​၍ ဝမ်းမြောက်​စွာ ခံယူ​သော်လည်း စိတ်နှလုံး​တွင် အမြစ်မစွဲဘဲ ခဏ​သာ​ယုံကြည်​၍ စုံစမ်းနှောင့်ယှက်ခြင်း ကြုံလာ​သောအခါ ဖောက်ပြန်တတ်သော​သူ​ကို ဆိုလို၏။

ကိုယ်တော်​က သူတို့​အား “သင်တို့​၏ ယုံကြည်ခြင်း​သည် အဘယ်မှာနည်း” ဟု မိန့်တော်မူ၏။ တပည့်တော်တို့​သည် ကြောက်ရွံ့​၍ အံ့အားသင့်​လျက် “ဤ​သူ​သည် မည်သူနည်း။ သူ​အမိန့်ပေး​သောအခါ လေ​နှင့်​လှိုင်းတံပိုးတို့​ပင်လျှင် သူ့​ကို နာခံကြသည်” ဟု အချင်းချင်း​ပြောဆိုကြ၏။

လမ်း​ပေါ်တွင် ကျသော​မျိုးစေ့​မှာ တရားစကား​ကို ကြားသောသူ​ကို ဆိုလို၏။ သို့သော်လည်း ယုံကြည်ခြင်း​နှင့် ကယ်တင်ခြင်း​သို့ မရောက်​စေရန် မာရ်နတ်​သည် လာ​၍ သူ​၏​စိတ်နှလုံး​ထဲမှ ထို​တရားစကား​ကို နုတ်ယူလေ၏။

ဖုံးကွယ်ထား​သမျှတို့​သည် ထွက်ပေါ်လာ​၍ လျှို့ဝှက်ထား​သမျှတို့​သည် ပေါ်လာ​လိမ့်မည်။

ထို​အမျိုးသမီး​သည် ဤ​အခြင်းအရာ​ကို မဖုံးကွယ်နိုင်​ကြောင်း သိ​သောအခါ တုန်လှုပ်​လျက် ကိုယ်တော်​၏​ရှေ့သို့ လာ​၍ ဝပ်တွားခယလေ၏။ ထို့နောက် အဘယ်ကြောင့် တို့ထိသည်​ကိုလည်းကောင်း၊ မည်ကဲ့သို့ အနာ​ရောဂါ ချက်ချင်း​ပျောက်ကင်းကြောင်း​ကိုလည်းကောင်း လူ​အားလုံး​ရှေ့​တွင် ဝန်ခံပြောဆိုလေ၏။ ယေရှု​ကလည်း “သမီး… သင်​၏​ယုံကြည်ခြင်း​သည် သင့်​ကို ကျန်းမာစေပြီ။ ငြိမ်းချမ်း​စွာ သွားလော့” ဟု မိန့်တော်မူ၏။

တပည့်တော်တို့​သည် ယေရှု​ထံတော်သို့ ချဉ်းကပ်​၍ နှိုးပြီး​လျှင် “သခင်… သခင်… အကျွန်ုပ်တို့​ရေနစ်​သေရပါတော့မည်” ဟု အော်ဟစ်​၍​လျှောက်ကြ၏။ ကိုယ်တော်​သည် ထ​၍ လေ​နှင့် လှိုင်းတံပိုး​တို့​အား ဆုံးမတော်မူ၏။ ထိုအခါ လေ​နှင့် လှိုင်းတံပိုးတို့​သည် ချက်ချင်း​ငြိမ်သက်သွားလေ၏။