Populære bibelvers fra Nai Vakatekivu 3

Del

Ia ni sa kunea na alewa ni sa yaga na kau me kakana, a sa ka me gadreva na mata, a sa kau domoni me mai vuku kina, sa qai tauca na vuana, ka kania; ka solia talega vua na watina erau tiko kaya, a sa kania ko koya.

IA sa vuku na gata ka lialia na manumanu kecega ni vanua ka cakava na Kalou ko Jiova. A sa kaya ko koya vua na alewa, Oi, ka sa kaya bagi na Kalou mo drau kakua ni kania na vua ni veikau kecega e na were, ne?

ia kaʼu na vakaveimecakitaki kemudrau kei na alewa, kei na nomu kawa kei na nona kawa; ena qaqia na ulumu ko koya, ia ko na qaqia na bukubuku-ni-yavana.

Sa kaya ko koya vua na alewa, Au na vakalevuiaka vakalevu na nomu rarawa ni ko sa kunekune: ko na daurarawa ni ko sa vakasucu gone; ia ko na qaravi koya na watimu, ena lewai iko talega ko koya.

e na buno ni matamu ko na kania na kemu kakana, ka yacova na siga ko na suka tale kina ki na qele; ni ko a buli maikina eliu: ni ko sa kuvu ni qele ga, ia ko na suka tale me kuvu ni qele.

A sa kaya vei Atama, E na vuku ni ko a vakarorogo ki na domo ni watimu, a sa kania, na vua ni kau kaʼu a vunautaka vei iko, ka kaya, Mo kakua ni kania: sa cudruvi na qele e na vukumu; ko na kana maikina e na rarawa e na veisiga kece ni nomu bula

A sa kaya, O cei sa tukuna vei iko ni ko sa luvawale? O sa kana beka mai na kau kaʼu a vunautaka vei iko mo kakua ni kana maikina?

A sa vakaseva kina na tamata ko koya: a sa lesi rau na Jerupi me tiko mai na were ko Iteni e na yasana ki cake, kei na yameyame ni bukawaqa e vaka nai seleiwau, sa veigoleyaki tiko, me vakatawa na sala ki na kau ni bula.

Ia ko Atama, sa vakatoka na yaca ni watina ko Ivi [Sa bula]; e na vuku ni sa tinadra na tamata kecega sa bula.