Populære bibelvers fra Génesis 13

Del

Scotol li banamil chaq'uel batele vu'un chacac'bot. Ja' avu'un o xchi'uc amomnich'nabtac.

C'alal loq'uem xa'ox batel li Lote, li Muc'ul Diose jech laj yalbe li Abrame: “Q'uelo batel avil ta jujujot yo' bu va'alote. Q'uelo muyel ta norte ta sur, ta sloq'ueb c'ac'al xchi'uc ta smaleb c'ac'al.

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Ja' yu'un li Abrame oy jun c'ac'al jech laj yalbe li Lote: “Li vu'utique cuts' calal jbatic. Mu lecuc ti oy c'op cu'untique, xchi'uc mu lecuc ti chut sbaic li jchabivacaxetic cu'untique.

Ja' yu'un li Abrame la stitun batel li scarpanae. Bat nacluc ta toyolal tulantic yu'un jun vinic Mamre sbi, te ta nopol lum Hebrón. Te la spas jun scajleb smoton Muc'ul Dios, yu'un chich' ta muc'.

Li Lote la sq'uel batel li stenlejaltic ta ti' uc'um Jordán xchi'uc c'alal to ta biq'uit lum Zoare. Te ta stenlejaltique oy ep vo'etic. Toj lec yox jech chac c'u cha'al ts'unubaltic yu'un Muc'ul Dios., Jutuc mu co'oluc jech chac c'u cha'al Egipto. Ja' to'ox jech x'elan ti c'alal mu'yuc to'ox ta xules Muc'ul Dios li lum Sodoma xchi'uc Gomorrae.