Populære bibelvers fra João 14

Del

Bainhira Hau baa ona, Hau halo imi bele moris iha dame no laran hakmatek. So Hau deit mak bele foo laran hakmatek hanesan nee. Buat hotu iha mundu nee la halo imi laran hakmatek. Nunee, la bele laran taridu no tauk.

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

Jesus koalia tan, “Imi lalika hanoin barak. Fiar ba Nai Maromak no fiar mos mai Hau.

Tuir mai, Hau nia Aman sei haruka Tulun-Nain ida mai. Nia nee mak Espiritu Santu. Nia mai lori Hau nia naran. Nia serbisu mak: hanorin buat hotu ba imi, i foo hanoin ba imi buat hotu nebee Hau foo hatene ona ba imi.

Ema nebee simu no halo tuir Hau nia ukun-fuan sira, nia mak hadomi Hau. Hau nia Aman mos hadomi ema nebee hadomi Hau nunee. Hau mos hadomi nia, i hatudu Hau nia aan ba nia.”

Bainhira Hau la hamutuk ona ho imi, Hau sei husu ba Hau nia Aman para Nia foo Tulun-Nain ida hodi hatudu dalan ba imi. Nia nee, Maromak nia Espiritu nebee hanorin imi buat nebee loos. Ema balu iha mundu nee lakohi simu Nia, tanba sira la bele haree Nia no la konhese Nia. Maibee imi konhese Nia tanba Nia hamutuk ho imi. Nia sei hela iha imi nia laran, i Nia sei hamutuk ho imi nafatin.

Imi nebee hamutuk ho Hau iha direitu husu hodi Hau nia naran. Nunee, bainhira imi halo orasaun hodi husu saida deit, lori Hau nia naran, Hau sei foo ba imi. Ho nunee, Hau foti aas Hau nia Aman, para ema hotu bele konhese Nia. Hau foo hatene fila fali: imi halo orasaun hodi husu saida deit, lori Hau nia naran, Hau sei foo ba imi.”

Jesus kontinua koalia, “Se imi hadomi Hau, imi tenki halo tuir Hau nia ukun-fuan sira.

Iha Hau nia Aman nia uma iha fatin barak teb-tebes. Se karik fatin la too, Hau foo hatene kedas ona ba imi. Agora Hau atu baa prepara fatin ba imi iha nebaa.

Bainhira Hau baa ona i prepara fatin ba imi hotu ona, Hau sei mai fali hodi lori imi baa hamutuk ho Hau. Nunee, iha fatin nebee Hau hela, imi mos hela iha nebaa.

Maibee Tome husu ba Nia dehan, “Senhor! Ami la hatene Ita Boot atu baa nebee. Oinsaa ami bele hatene dalan ba nebaa?”