Populære bibelvers fra João 10

Del

Naok-teen sira so halo rungu-ranga deit, tan sira mai para naok, oho, no harahun ema nia moris. Maibee Hau lori moris loloos nebee diak liu, tan Hau mai para ema bele moris hakmatek, no nakonu too resin.

Hau hanesan bibi atan diak. Tanba bibi atan diak prontu foo nia aan too mate, para nia bibi sira bele hetan moris.

Hau nia bibi loloos, rona no konhese Hau nia lian. Sira mos tuir Hau, i Hau mos konhese sira.

Hau foo moris rohan laek ba sira, no Maromak la soe lakon sira. La iha ema ida bele hadau sira hosi Hau nia liman.

Hau hanesan odamatan. Ema nebee tama liu hosi Hau, Nai Maromak salva nia hosi nia sala sira. Nee hanesan bibi malae nebee tama-sai hodi haan-hemu.

Hau mak bibi atan diak. Hau konhese Hau nia bibi sira, no sira mos konhese Hau.

Hau nia Aman iha lalehan mak foo sira ba Hau. Nia kbiit makaas liu hotu-hotu. Nee mak la iha ema ida bele hadau sira hosi Nia liman. Hau ho Hau nia Aman, Ami ida deit.”

Hanesan Aman iha lalehan konhese Hau, i Hau mos konhese Nia. Hau entrega Hau nia aan too mate, para Hau nia bibi sira bele hetan moris.

La iha ema ida obriga Hau atu foo Hau nia moris, maibee Hau rasik mak foo Hau nia aan too mate. Hau iha direitu hodi foo Hau nia aan. Hau mos iha direitu hodi foti fila fali. Orden nee, Hau simu hosi Hau nia Aman iha lalehan.”

Jesus kontinua foo sai ba sira dehan, “Hau koalia nee, loos. Hau hanesan odamatan ba bibi malae sira nia luhan.

Maibee ema nebee laos bibi atan duni, bainhira nia haree asu fuik siak ida mai, nia halai lakon no husik hela bibi sira iha nebaa. Asu fuik siak tata bibi ida no bibi sira seluk halai namkari.

Jesus halo komparasaun ida dehan, “Rona mai. Saida mak Hau atu hatete ba imi nee, loos. Bibi malae iha nia luhan. Se ema nebee la tama liu hosi odamatan, maibee sae liu hosi lutu, nia nee, ema naok-teen.