Populære bibelvers fra लुका 17

Del

मोबा ए़क्‍साङ येसुडे़ॽ मो सामरि लुसु, “येःपोक्‍नुङ खडे, हे़ने़ए़ बिस्‍वासडे़ॽनोॽ हे़न नुबोक्‍इटे़।”

“हे़ने़ए़ निसाडे़ॽ इक्‍याकपेॽ एच्‍चिखेॽ हे़ने़ए़ निवा टुक्‍मेॽनुङ पाप ले़टु तर खो एच्‍चि खेॽनोॽ लेन्‍नुङ आम्‍लाङ ङाःगुहोङ खो आम्‍लाङ पिसे।”

माहाजिबेॽ इक्‍को चाहिँ टाङ्‌बा नुबोक्‍पॽआ लेडोक्नुङ वोसाङ निवाहाङ्‌मि ओहाङ ले़ःॽसाङ येसुबेॽ टेजासा। मोबा येसुमि पोम्‍बेॽ उःक्‍मानुङ सेवा मुसाङ येसु ओहाक पिसु। मो टेजाघुबा चाहिँ सामरि जातिमा ले़टे़।

मोडोगे़ॽ होसियार ले़टानिङे! हे़ने़ए़ निसाडे़ॽ पाप ले़टुहोङ इडोॽ ए़ले़टे लुनुङ खो नुरोॽ लुसे। खोसे़ॽ खोमि पाप मिॽनुङ पाप ले़ःॽमा लेॽनुङ टेआप्‍होङ खो आम्‍लाङ पिसानुमे।

मोबा येसुडे़ॽ लुसु, “इक्‍पोङ जनानोॽ नुबोगानिङे ने़ॽनेन्‍डे ? हाइखा नोक्‍चि जना चाहिँ हाम्‍बेॽ खडामे ?

येसुडे़ॽ लुसुजि, “हे़निङ्‌नुङ पारसाइमि इक्‍को चरिडोॽमारेॽनोॽ बिस्‍वास टुहोङ, इगो मिच्‍चुङ डाङ ‘इगोबाङ रोङ्‌नुङ माहोङ्‌माबेॽ रिःॽयुसे’ लुसानुम्‍होङ, मो खसिये।

टाङ्‌बामि हिङ्‌मवा जोगबा ले़ःॽखुबाडे़ॽ हिङ्‌मवानोॽ मे़चोबेन्‍डुए, तर टाङ्‌बामि हिङ्‌मवा मे़चोघुबाडे़ॽ हिङ्‌मवा चुप्‍इन्‍डुये।

येसुडे़ॽ टाङ्‌बामि चोङ्‌साजि लुसुजि, “चइबानोॽ याॽमिजि पापबेॽ रेम्‍एम्‍मे खागो लेङ्‌इहा। तर हाइखाजि पाप ले़ःॽमे़ॽखुबाजिडे़ॽ चापहिमा चुप्‍मिन्‍डुजे! असे़ॽ इक्‍को ए़डे़म्‍मा पिच्‍छा पाप ले़ःॽमेन्‍डुए, मो पिच्‍छा पाप ले़ःॽमेॽखुबा पापि याॽमिमि गो बेॽलाबेॽ लघे हिःक्‍नुङ माहोङ्‌माबेॽ राप्‍एम्‍मा नुबा लिये।

नोआ निङ ले़ःॽखुबा याॽमिमि पालोबेॽ लिडिडोक्‍नोॽ का याॽमिमि पसा लेम्‍माबेॽसो लिये। नोआ जहाज होङ्‌सिॽयु पे़खे़ॽलोठोक याॽमिजि भत्‍तेरबेॽ चामे, उङ्‌मेनुङ फुङ्‌सया ले़ःॽमे़ॽनिङ्‌सिडामे। मोडोक्‍पेॽनोॽ वाडुम लेन्‍नुङ चोप याॽमिजि योङाबेॽ हुम्‍सिघडामि।