Populære bibelvers fra ລູກາ 12

Del

ພວກເຈົ້າ​ຈະ​ຕ້ອງ​ຕຽມພ້ອມ​ເໝືອນກັນ ເພາະວ່າ​ບຸດມະນຸດ​ຈະ​ມາ​ໃນ​ເວລາ​ທີ່​ພວກເຈົ້າ​ບໍ່​ຄາດຄິດ”.

ແຕ່​ຈົ່ງ​ສະແຫວງຫາ​ອານາຈັກ​ຂອງ​ພຣະເຈົ້າ, ແລ້ວ​ພຣະອົງ​ຈະ​ມອບ​ສິ່ງ​ເຫລົ່ານີ້​ໃຫ້​ແກ່​ພວກເຈົ້າ​ດ້ວຍ.

ແລ້ວ​ພຣະອົງ​ຈຶ່ງ​ກ່າວ​ກັບ​ພວກເຂົາ​ວ່າ, “ຈົ່ງ​ລະວັງ​ໃຫ້​ດີ! ຈົ່ງ​ຮັກສາ​ໂຕ​ໄວ້​ໃຫ້​ພົ້ນ​ຈາກ​ຄວາມໂລບ​ທຸກ​ຢ່າງ, ເພາະ​ຊີວິດ​ຂອງ​ມະນຸດ​ບໍ່​ໄດ້​ຂຶ້ນ​ຢູ່​ກັບ​ຊັບສິ່ງຂອງ​ອັນ​ອຸດົມສົມບູນ”.

ເພາະ​ຊັບສົມບັດ​ຂອງ​ພວກເຈົ້າ​ຢູ່​ທີ່ໃດ, ໃຈ​ຂອງ​ພວກເຈົ້າ​ກໍ​ຢູ່​ທີ່​ນັ້ນ​ເໝືອນກັນ.

ມີ​ຜູ້ໃດ​ແດ່​ໃນ​ພວກເຈົ້າ​ທີ່​ກະວົນກະວາຍ​ແລ້ວ​ສາມາດ​ຕໍ່​ຊີວິດ​ຂອງ​ຕົນ​ເອງ​ອອກ​ໄປ​ອີກ​ຈັກ​ຊົ່ວໂມງ​ໜຶ່ງ​ໄດ້?

ແລ້ວ​ພຣະເຢຊູເຈົ້າ​ກໍ​ກ່າວ​ກ່າວ​ພວກສາວົກ​ວ່າ, “ເຫດສະນັ້ນ ເຮົາ​ຈຶ່ງ​ບອກ​ພວກເຈົ້າ​ທັງຫລາຍ​ວ່າ, ຢ່າ​ກະວົນກະວາຍ​ເຖິງ​ຊີວິດ​ຂອງ​ຕົນ​ວ່າ​ຈະ​ກິນ​ຫຍັງ ຫລື ຮ່າງກາຍ​ຂອງ​ຕົນ​ວ່າ​ຈະ​ນຸ່ງຫົ່ມ​ຫຍັງ.

ແມ່ນ​ແຕ່​ຜົມ​ທຸກ​ເສັ້ນ​ຢູ່​ເທິງ​ຫົວ​ຂອງ​ພວກເຈົ້າ​ກໍ​ຖືກ​ນັບ​ໄວ້​ທັງໝົດ​ແລ້ວ. ຢ່າ​ຢ້ານ​ເລີຍ, ພວກເຈົ້າ​ມີ​ຄ່າ​ຫລາຍ​ກວ່າ​ນົກຈອກ​ຫລາຍ​ໂຕ.

“ແກະ​ຝູງ​ນ້ອຍ ຢ່າ​ຢ້ານ​ເລີຍ, ເພາະ​ພຣະບິດາເຈົ້າ​ຂອງ​ພວກເຈົ້າ​ພໍໃຈ​ທີ່​ຈະ​ມອບ​ອານາຈັກ​ນັ້ນ​ໃຫ້​ແກ່​ພວກເຈົ້າ.

ຈົ່ງ​ພິຈາລະນາ​ເບິ່ງ​ຝູງ​ກາ: ພວກມັນ​ບໍ່​ໄດ້​ຫວ່ານ ຫລື ບໍ່​ໄດ້​ເກັບກ່ຽວ, ພວກມັນ​ບໍ່​ມີ​ບ່ອນ​ເກັບ​ສິ່ງຂອງ ຫລື ບໍ່​ມີ​ເລົ້າ, ແຕ່​ພຣະເຈົ້າ​ກໍ​ຍັງ​ລ້ຽງດູ​ພວກມັນ. ພວກເຈົ້າ​ກໍ​ມີ​ຄ່າ​ຫລາຍ​ກວ່າ​ຝູງ​ນົກ​ເຫລົ່ານັ້ນ!

ແລະ ຢ່າ​ກະວົນກະວາຍ​ວ່າ​ພວກເຈົ້າ​ຈະ​ກິນ​ຫຍັງ ຫລື ຈະ​ດື່ມ​ຫຍັງ.

ຖ້າ​ພຣະເຈົ້າ​ຕົບແຕ່ງ​ຕົ້ນຫຍ້າ​ທີ່​ຢູ່​ໃນ​ທົ່ງ ເຊິ່ງ​ເປັນຢູ່​ໃນ​ບ່ອນນີ້​ວັນນີ້ ແລະ ມື້ອື່ນ​ກໍ​ຈະ​ຕ້ອງ​ຖືກ​ຖິ້ມ​ລົງ​ໃສ່​ໄຟ, ພວກເຈົ້າ​ຜູ້​ມີຄວາມເຊື່ອນ້ອຍ​ເອີຍ! ພຣະອົງ​ຈະ​ບໍ່​ຕົບແຕ່ງ​ພວກເຈົ້າ​ຫລາຍ​ກວ່າ​ນັ້ນ​ອີກ​ບໍ?

ບໍ່​ມີ​ສິ່ງໃດ​ທີ່​ຖືກ​ປິດບັງ​ໄວ້​ຈະ​ບໍ່​ຖືກ​ເປີດເຜີຍ ຫລື ເຊື່ອງຊ້ອນ​ໄວ້​ຈະ​ບໍ່​ຖືກ​ເປີດເຜີຍ​ໃຫ້​ຮູ້.