Populære bibelvers fra 2 కొరింది 1

Del

కనికరము దిగిదిల్లా బో, సొబ్బి ఆదరనకు అనుగ్రహించిలా పురువు, అమె ప్రబువు యీలా యేసు క్రీస్తు బో యీలా పురువు స్తుతింపబొడిమాసి. పురువు అముకు కే ఆదరన దీకిరి ఆదరించిలీసొ, సే ఆదరన సంగరె యెడపనా కొస్టొనె రొల్లలింకె యీనెను ఆదరించిలాటకు సక్తి గలిగిలాట యీలపని, సెయ్యె మో కొస్టొ సొబ్బిటిరె అముకు ఆదరించిలీసి.

క్రీస్తురొ కొస్టొనె మోవల్లరె క్యాకిరి విస్తరించిలీసెవొ సాకిరాక క్రీస్తుసంగరె ఆదరనంకా అముకు విస్తరించిలీసి.

ఈనె మొర్నొదీకిరి ఉటుదిల్లా పురువు వల్లరె గని, మో సంగరె అమె నమ్మకము నారొల్లపన మొర్నొవూంచుబులి నిస్చయముగా మో మట్టుకు అముకు కలిగికిరి అచ్చి.

తొం దీకిరంకా క్రీస్తురె టారీకిరి అచ్చి బులి అముకు స్తిరపరచికిరి అబిసేకించిలాట పురువాక. సెయ్యె అముకు ముద్రపొక్కిరి, అం హ్రుదయమురె అముకు ఆత్మ బుల్లా సంచకరువుకు అనుగ్రహించికిరి అచ్చి.

అమె కొస్టొ పొడినెను తో ఆదరనకోసం రక్సన కోసం పొందుంచొ అమె ఆదరన పొందినెను తో ఆదరన కోసం పొందుంచొ. యే ఆదరన అమె కూడ పొందిలపనా సె కొస్టొనె ఓపికదీ సహించితె కార్యసాదకము ఈలపనికిరి అచ్చి.