Populære bibelvers fra เห่ขุทวาลู่ 24

Del

เร๊อ อา กุยจ๊อเบแถ่ เน๊อ, “เก๋อ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ, เออเตอเนอ เร๊อ แด่ทูซิปล่อ เร๊อ เมโทเมปลื๊อ เป่เหร่อ แวเตเมเออ เร๊อ เด๊อะโล ดื่อ เนเตโม เด๊อ อาลอเป่แจ่ โต่ เออ เนอ แวแบ่เจ่ เพอับราฮัม นี๋.

เร๊อ แว เก่ กุยซิยอ เพรเหมาะฮู๊เส่ เด๊อ เหย่ซี เกล เตเพรเพร ปา, เร๊อ แว เก่ เฮ๊ อา เน๊อ, ‘แด่ทูซิปล่อ เร๊อ แด่ตา เนเทอโอ เร๊อ เด๊อะโอ เกอ แว เทอ,’ เร๊อ เน เก่ นว๊าพย๊า หม่าแหน่ แหน่ เป่ เฮ๊อ เนหลู่ คูอิสอัค อาเง เฮ๊เร๊อ อา เก่ เฮ๊ฉื่อดื่อ แว เน๊อ, ‘โอ มอ, เร๊อ แว แด๊โอ เป่เกอ โป่ดื่อ เน ตีซิโบดุ เทอ ปาปา.’ อา เก่ เม ฮู๊เออ เฮ๊เนอเร๊อ แว ซิเง ดื่อเฮ๊อ เน๊อ เน เด๊อะโลเฮ๊อ เนเตโม เน๊อ แวแบ่เจ่ เฮ๊อ.”

โทเร๊อ คูอิสอัค เอ๊กาหนิ เหมาะเรเบคาห์ เด๊อ อาโหมะ โหมะซาราห์ อาเหล่สื่อกู เร๊อ อา ทวาแถ่ เฮ๊อ ลูเม. เร๊อ อา โมหนิ เร๊อ แหน่เจ๊อ ลู. เบ๊อะ อาโหมะ เซอ โทเฮ๊อ ลูเหล่ เบ๊อะเนอ, อา ซิเปล แหน่เจ๊อ ตื๊อดื่อเร๊อ กู๊แหน่เออ เหมาะเรเบคาห์ ทวา เฮ๊อ ลูเม เร๊อ อาซิปล่อ โม คยาแซ๊.

เร๊อ อาตี๊หี่แตแพ เต๊เห่ เด๊อะบุ๊ยเด๊อะเตอเรอ แลแค เหมาะเรเบคาห์ เน๊อ, “เป โป่เพรเหมาะ เก่ ทวาแถ่ดื่อ โหมะ เด๊อ พู๊โอ่โหร่เลอโอ่เอ๊ เจ๊อ เด๊อ อาซ๊ออาซีกู เจ๊อ ปา นี๋. เนกลุยเนลุ๊ย เต๊เห่ เก่ เมเป่ ลอ ดื่อ แกแย เด๊ออาซี๊เถ่ เหย่ซี อาวี เต๊เห่ ปา นี๋.”

เด๊อ แวพู๊ อาเง, แซ่ฮู๊ เน เก่ นว๊าพย๊า เป่ แต่ ลูเม เน๊อ คานาอันเมวเจ่อโหมะ เบ๊อะ คานาอันเก่กู เออ แต่เหม่ เนอ, แวซิหยื่อ นอ แบ เนโหง่ เน๊อ จอแปแหร่ ตูจูเพรหม่าเฮ๊อ จอแปแหร่ดุ เด๊ออาเป๊อหนิ ม๊อขุ เน๊อ เห่ขุ เนอเตเพร. ฮู๊เนอเร๊อ กามอ เด๊อ แว โอ่เป๊เจ่แล หนิ อาเหล่โอ่, เด๊อ แวกลุยแวแล โอ่ เร๊อ เนอ เต๊เก่ เร๊อ กา แม๊ปู เอ๊กาหนิ เป่ แวพู๊เพรคู คูอิสอัค อาเม นี๊.”