Populære bibelvers fra یوہانان 15

Del

نگا نی رگونّی لچانگما یانگ کھیوجا نگے یالگاگون این۔ نگیکا ناسکھان یانگ نگا کھونگونی نانّگا ناسکھانگونلا ڈاسبو مانگپو چھاگساین، نگانے بیستے کھیوجاگونلا چانگ چو مینیان۔

نگیکا دوگشیگ یانگ نگا کھیوجے نانّگا دوگین۔ یالگا چیگپوا ڈاسبو چھاگس نیانّا مانوگ، تیبو رگونّی لچانگمے نانّگا ناستے لوسگوس۔ تینّا تسوگسلا کالتیس کھیوجا نگیکا مادوگنا کھیوجاگونّانگ ڈاسبو میچھاگس۔

کالتیس کھیوجا نگیکا ناستے نگے لابجاگون کھیوجے سیمسّی نانّگا لوسنا، کھیوجے دودپا چوستے چیجیگ تونگ زیرنانگ کھیوجا سالین۔

کھیوجے نگا لدامستے مان، نگے کھیوجاگون لدامستے این۔ نگے کھیوجاگون سونگتے توسگیون لوسشیسّی ڈاسبو سمینچوگچیسلا سکوستے این۔ تینے نگے مینگی نانّگا کھیوجے نگے یابّا چیجیگ ژونانگ سالّا زادِین۔

دزاوگونّی پھیا کھورانگی ثوگپو تانگچیسّی سانگ چھیا یاشاشیگ مید۔

ڈاسبو ماچھاگسکھانّی یالگاگون نگے کانے چادتے پھانّگا زادّوگ، یانگ ڈاسبو چھاگسکھانّی یالگاگونلا مانّگا چھاگسشیسّی پھیا گورّا زادّوگ۔

نگے کا نی ایبو این، نگے کھیوجاگونلا چامسپا چوکھان ژوگس کھیوجے چیگ تانگ چیگّا چامسپا چوشیگ۔

کھیوجا ڈاسبو مانگپو چھاگستے نگے لدینبے لوبٹوگس اینکھانبو ستان زانے نگے یابّا سپال تھوبین۔

حضرت عیسیٰ مسیح مولس، ”نگا نی لدینبے رگونّی لچانگما تانگ نگے یاب تشاسکھانبو این۔

نگیکا مادوگکھانگون، سکامسکھانّی یالگا تھاگرینّگا پھانگسکھان ژوگس این، تیگون لدوستے میے نانّگا پھانگستے ثاگاین۔

نگے تھادپو کھیوجے نانّگا لوسشیس یانگ کھیوجاگونلا تھادپو گانگپو تھوبچیسّی پھیا نگے ای سپیراگون کھیوجا زیرتے این۔

کالتیس کھیوجے نگے کاگونلا کھانیانّا کھیوجاگون نگے چامسپے نانّگا لوسین کازوگ نگے نگارانگی یابّی کاگونلا کھانیانتے کھونگی چامسپے نانّگا لوستے این۔

نگے کھیوجا ای کا بو تانّگاد، چیگ تانگ چیگّا چامسپا چوس۔“

کالتیس کھیوجا دُنیائی می اینپینّا، کھونگی کھیوجا کھورانگونّی ٹھوگو تسوگسلا چیسپا چوستے یودڈو۔ اِین نانگ تا کھیوجا دُنیائی می کھاگشیگ مانوگ۔ نگے دُنیائی می ٹونے کھیوجاگون لدامس پاسانگ، کھونگونی کھیوجا ناپھراد چوانوگ۔