Populære bibelvers fra San Mateo 18

Del

Je̱' ko ma je̱'e̱ ja'ay tu'ug me̱tzk ñaymyujku̶gu̶xy mu̶u̶d u̶u̶ch kyu̶xpu̶ nxu̶u̶, jim kujkjooty u̶u̶ch nyajpaady ma je̱' ajku̶xyu̶ñ.”

“Cham du'un nnu̶maaygyu̶xy: Pu̶nu̶ mnaygyápxu̶gu̶xp miich nime̱tzk ajku̶xy ya naaxwiiñ ko tijaty myujkwa'anaangu̶xy ma je̱'e̱ Diosu̶ñ, xymyooygyu̶xu̶p je̱'e̱ mDeedy je̱'e̱ mu̶dyiibu̶ jiiby tzajpjooty yajpaatpu̶ñ.

Mu̶'it je̱'e̱ Jesús je̱'e̱ pi'k'ana'k tu'ug mu̶j'yaaxy, chi kujkjooty pu̶daaky ma je̱' ajku̶xyu̶ñ y myu̶naañ: —Janch tu̶y'ajtu̶ñ du'un nnu̶maaygyu̶xy pu̶nu̶ ka'p miich je̱'e̱ mjoot mwinma'añ myajtu̶gajtzku̶xy y pu̶nu̶ ka'p du'un mnaybyu̶daaku̶gu̶xy neby je̱'e̱ pi'k'ana'ktu̶jku̶ñ, ka'p jiiby mdu̶gu̶u̶ygyu̶xu̶ch ma je̱'e̱ Dios y'ane'emyu̶ñ.

Je̱'e̱ mu̶dyiibu̶ ni'igyu̶ jakmu̶j'idaamb jiiby ma je̱'e̱ Dios y'ane'emyu̶ñ, je̱' je̱' je̱'e̱ mu̶dyiibu̶ yuung naaxypy ja'ay'ajtpu̶ñ y je̱'e̱ mu̶dyiibu̶ du'un naybyu̶daaku̶bu̶ñ neby adayaaba pi'k'ana'ku̶ñ.

Y pu̶n mu̶u̶d u̶u̶ch kyu̶xpu̶ nxu̶u̶ je̱'e̱ pi'k'ana'k ku'ubu̶jkpu̶ñ, du'un neby adayaaba pi'k'ana'ku̶ñ, u̶u̶ch naty je̱'e̱ du'un xykyu'ubu̶jkp.

“Janch tu̶y'ajtu̶ñ du'un nnu̶maaygyu̶xy ko je̱'e̱ mu̶dyiibu̶ miich ya naaxwiiñ m'agapxtujkku̶xypyu̶ñ, nan y'agapxtúgu̶py je̱'e̱ Dios jiiby tzajpjooty nandu'un, y je̱'e̱ mu̶dyiibu̶ miich ya naaxwiiñ ka'p m'agapxtujkku̶xyu̶ñ, nan ka'p je̱'e̱ Dios jiiby tzajpjooty agapxtúgu̶ch.

Chi je̱'e̱ Jesús jyakmu̶naañ: —Y nandu'un u̶u̶ch je̱'e̱ nDeedy tzajpjootypyu̶ miich nandu'un xytyuungu̶xu̶ch, pu̶nu̶ ka'p miich je̱'e̱ mmu̶gu'ug nidu'ug nidu'ug tu'ug'aa tu'ugjoot mwinmé̱kxku̶xy.

“Wanpú̶nu̶ch pu̶n adaa pi'k'ana'ktu̶jk nidu'ugtu̶ yajwinma'añdyu̶goobyu̶ñ je̱'e̱ mu̶dyiibu̶ u̶u̶ch je̱'e̱ n'ayuuk ndu̶y'ajt xymyu̶bu̶jku̶byu̶ñ ajku̶xy, ni'igu̶ oy ko u̶xyu̶py yaj'yo'kxodzu̶'u̶yii tu'ug mu̶jpu̶ molinu̶tzaa y yajku'uju̶bijpnáxu̶ch mejyjyooty ma je̱'e̱ mejy kyómu̶chu̶ñ.

“¿Nej miich m'okmu̶naangu̶xpu̶? Pu̶nu̶ jii je̱'e̱ ja'ay tu'ug borreegu̶ mu̶u̶du̶ch tu'kmu̶go'px y y'oktu̶góyu̶ch nidu'ugtu̶, ¿nej ka'p je̱'e̱da'a yajwu̶'u̶mu̶ch je̱'e̱ mu̶da'px majmókx mu̶daaxkpu̶ jim koptku̶xp ko naty nu̶kxy u̶xta'awa'añ je̱'e̱ mu̶dyiibu̶ naty tu̶ tyu̶goyu̶ñ?