Populære bibelvers fra San Mateo 13

Del

Peru̶ je̱'e̱ tu̶u̶md mu̶dyiibu̶ ka'awu̶ñ ma je̱'e̱ oyñaaxu̶ñ winja'atzkujk, je̱' je̱'e̱ ajku̶xy mu̶dyiibu̶ je̱'e̱ Dios y'ayuuk mu̶doogu̶xpu̶ñ y winju̶wu̶u̶ygyu̶xy y mayu̶u̶by je̱'e̱ Dios y'ayuuk du'un ma je̱'e̱ jyoot wyinma'añ ajku̶xyu̶ñ. Du'un je̱'e̱ nije̱' ajku̶xy neby je̱'e̱ tu'ukpu̶ tu̶u̶md mu̶dyiibu̶ mu̶go'px ijtu̶ñ, nije̱' du'un neby je̱'e̱ mu̶dyiibu̶ tu̶gu̶'px ijtu̶ñ, y nije̱' du'un neby je̱'e̱ mu̶dyiibu̶ ipxmajk ijtu̶ñ.”

Je̱'e̱ tu̶u̶md mu̶dyiibu̶ eptyjyooty wu̶dzatzjooty ka'awu̶ñ, je̱' je̱'e̱ ajku̶xy mu̶dyiibu̶ mu̶doogu̶xpu̶ñ je̱'e̱ Dios y'ayuuk, peru̶ je̱'e̱ ajuy adogu̶u̶ je̱'e̱ je'eyu̶ y'aa'ajtypy jyoot'ajtypy ajku̶xy mu̶dyiibu̶ ya yajpaatp ma adayaaba naaxwiiñu̶ñ y je̱'e̱ kumeeñ'adu̶u̶ je̱'e̱ janch jootmé̱tzu̶gu̶xp. Y ku̶xyu̶ adaa du'umbu̶ je̱'e̱ Dios y'ayuuk yajtu̶gooygyu̶xp ma je̱'e̱ ja'ay ajku̶xyu̶ñ, ka'p je̱'e̱ Dios y'ayuuk yajmayu̶'u̶y.

Pu̶njaty je̱'e̱ Dios y'ayuuk mu̶doogu̶xpu̶ñ neby je̱'e̱ Dios y'ane'emyu̶ñ y ka'p winju̶wu̶u̶ygyu̶xy, du'un je̱'e̱ ajku̶xy neby je̱'e̱ tu̶u̶md mu̶dyiibu̶ tu'ugujk ka'awu̶ñ, chi je̱'e̱ ka'a'óybyu̶ ñimiinu̶gu̶xyu̶ y yajpu̶dzu̶u̶mdaayu̶xu̶ je̱'e̱ Dios y'ayuuk mu̶dyiibu̶ naty tu̶ yajni'iby ma je̱'e̱ jyoot wyinma'añ ajku̶xyu̶ñ.

Je̱'e̱ tu̶u̶md mu̶dyiibu̶ tzaa'agujk ka'awu̶ñ, je̱' je̱'e̱ ajku̶xy mu̶dyiibu̶ mu̶doogu̶xpu̶ñ je̱'e̱ Dios y'ayuuk y chi ku'ubu̶jkku̶xy agujk jootkujk, peru̶ je̱' ko ka'p je̱'e̱ may tyiktztu̶gu̶'u̶yñu̶ ajku̶xy, ka'p je̱'e̱ oy tu'ug'aa tu'ugjoot mu̶bu̶jkku̶xy; chi je̱'e̱ Dios y'ayuuk u̶xmajtzku̶xnu̶ ko je̱'e̱ win'u̶u̶mbu̶ agapxu̶u̶byu̶ paatku̶xy o ko yaj'u̶xwu̶dijt yajpawu̶dijtku̶xy mu̶u̶d je̱'e̱ Dios y'ayuuk kyu̶xpu̶.

“Je̱'e̱ Dios y'ane̱'e̱mu̶ñ du'un je̱' neby je̱'e̱ meeñ mu̶dyiibu̶ yu'uch ijtp taju̶'u̶y ma tu'ug kamu̶ñ. Chi je̱'e̱ ja'ay tu'ug paady je̱'e̱ meeñ taju̶'u̶byu̶, y chi jimyu̶ yu'tznu̶ba; chi xyoñ y'ity y ñu̶kxy; nu̶kxy ku̶xyu̶ tijaty tokta'ay tijaty myu̶dajtypyu̶ñ, y chi je̱'e̱ kam juy ma je̱'e̱ meeñ taju̶'u̶y tu̶ paadyu̶ñ.

Peru̶ nije̱' je̱'e̱ tu̶u̶md oy kya'ay ma je̱'e̱ oyñaaxu̶ñ winja'atzkujk, y tyu̶u̶m'ajty may'eemby, nije̱'e̱játy tu'ugpu̶ tu̶u̶md mu̶go'px je̱'e̱ y'ijty, y ja'adu'ukpu̶ tu̶u̶md tu̶gu̶'px je̱'e̱ y'ijty, y nan je̱'e̱ ja'adu'ukpu̶ tu̶u̶md ipxmajk je̱'e̱ y'ijty.

Wan ity, wan kipxy ye̱jkku̶xy u̶xtu̶ koonu̶ je̱'e̱ tiempo paadu̶ch mu̶naa pyu̶du̶'u̶gu̶chu̶ñ, mu̶'it u̶u̶ch je̱'e̱ nduumbu̶du̶jk ngue̱xa'añ ko je̱'e̱ ju̶bu̶k ujtz wan jayu̶jp yajpu̶du̶'kku̶xy; pu̶daakku̶xu̶ch abu̶kyjyaty y axojtzku̶xu̶ch tu'kmachjáty, chiiju̶tz no'kku̶xu̶ch, y mu̶'íttu̶tz je̱'e̱ trigo ni'imajtzku̶xu̶ch y chi pu̶daakku̶xu̶ch ma u̶u̶ch je̱'e̱ ndze̱'e̱xu̶ñ.’ ”