Populære bibelvers fra San Juan 3

Del

“Dios mu̶jku̶je̱e̱ je̱'e̱ naaxwiiñjya'ay tzojky ju̶wu̶u̶y ko je̱'e̱ tu'kpajkpu̶ y'Ung yejky mu̶u̶d je̱'e̱ ja'ay pyoky kyu̶xpu̶ ajku̶xy. Paady ku̶xyu̶ pu̶njaty je̱'e̱ Dios y'Ung mu̶bu̶jku̶gu̶xpu̶ñ ka'p je̱'e̱ jyugy'ajtu̶ñ tu'kku̶'u̶yu̶ kyú̶xu̶ch tyu̶góyu̶ch, pyaadu̶py je̱'e̱ jyugy'ajtu̶ñ wiinu̶u̶xu̶u̶bu̶.

Je̱' ko ka'p je̱'e̱ Dios y'Ung yaa naaxwiiñ paady kejxy ko je̱'e̱ naaxwiiñjya'ay je̱'e̱ ñu̶u̶ pyoky wan yajkumu̶dóy, paady je̱'e̱ y'ung yaa naaxwiiñ kejxy, neby je̱'e̱ naaxwiiñjya'ay mu̶baad pokywyinmekxyu̶ñ.

Chi je̱'e̱ Jesús y'adzoowu̶: —Janch tu̶y'ajtu̶ñ miich du'un nnu̶ma'ay, pu̶n ka'p myiindu̶gách ma je̱'e̱ Diosu̶ñ, ka'p je̱'e̱ mu̶baad tyu̶gu̶'u̶y ma je̱'e̱ Dios y'ane'emyu̶ñ.

“Pu̶n je̱'e̱ Dios y'Ung mu̶bu̶jku̶byu̶ñ, ka'p je̱'e̱ ñu̶u̶ pyoky yajkumu̶dowa'añyii; peru̶ pu̶n je̱'e̱ Dios y'Ung ka'p mu̶bu̶jku̶, je̱'e̱ju̶tz tu̶y yajkumu̶dowe̱e̱mby ñu̶u̶ pyoky je̱', je̱' ko naty tu̶ ka'amu̶bu̶jku̶ je̱'e̱ tu'kpajkpu̶ Dios y'Ung.

Je̱'e̱ mu̶dyiibu̶ ka'p mu̶bu̶jkku̶xyu̶ñ, je̱'e̱ju̶tz tu̶y yajkumu̶dowaanu̶p je̱'e̱ Dios ñu̶u̶ pyoky ajku̶xy, je̱' ko ka'p je̱'e̱ Dios y'Ung mu̶bu̶jku̶yu̶ ajku̶xy ko ya naaxwiiñ y'ooy, je̱'e̱ mu̶dyiibu̶ du'un neby je̱'e̱ ju̶u̶nu̶ñ, je̱' ko je̱'e̱ ju̶bu̶kpu̶ najty tuungu̶xy, jootkujk najty je̱'e̱ ni'igyu̶ agoodztuum ñayjyu̶wu̶u̶yu̶gu̶xy, y ni'igu̶ ka'p ko je̱'e̱ Dios y'Ung mu̶bu̶jku̶yu̶ch ajku̶xy, je̱'e̱ mu̶dyiibu̶ du'un neby je̱'e̱ ju̶u̶nu̶ñ.

Je̱' ni'igyu̶ je̱'e̱ myu̶jtu̶gu̶'u̶wu̶ch y ka'p u̶u̶chu̶ñu̶ba.

Ku̶xyu̶ pu̶njaty je̱'e̱ ju̶bu̶kpu̶ tuungu̶xpu̶ñ ka'p je̱'e̱ Dios y'Ung tzojku̶yu̶ ajku̶xy je̱'e̱ mu̶dyiibu̶ du'un neby je̱'e̱ ju̶u̶nu̶ñ, y ka'p je̱'e̱ ku'ubu̶jkku̶xy; ka'pu̶ je̱'e̱ ju̶bu̶kpu̶ ñi'igu̶xu̶'u̶gu̶ch mu̶dyiibu̶ naty tyuungu̶xypyu̶ñ.

Pu̶n je̱'e̱ Dios y'Ung y'ayuuk tyu̶y'ajt mu̶bu̶jku̶byu̶ñ, pyaadu̶py jyugy'ajtu̶ñ je̱' je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ; peru̶ pu̶n je̱'e̱ Dios y'Ung y'ayuuk tyu̶y'ajt ka'p mu̶bu̶gaanu̶, ka'p jyugy'ajtu̶ñ je̱'e̱ paadu̶ch je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ, y mu̶jtzaachpyu̶ je̱'e̱ Dios ni'igyu̶ mo'owu̶u̶ju̶p, je̱' gyu̶xpu̶ ko naty je̱'e̱ Dios y'Ung y'ayuuk tyu̶y'ajt tu̶ ka'amu̶bu̶jku̶.

Y du'un neby je̱'e̱ Moisés pujxktza'añ mu̶jwojppejtyu̶ñ kepykyu̶xp jim adu'ugtuum, nandu'un u̶u̶ch je̱' je̱'e̱ ja'ay mu̶dyiibu̶ tzon tzajpjooty nyajmu̶jwojppe̱da'añu̶ch kepykyu̶xp.

Je̱'e̱ Dios Teedy chojkypy je̱'e̱ y'Ung, y tu̶ je̱'e̱ mu̶k'ajt yajku̶'u̶du̶gu̶'u̶y ma ku̶xyu̶ tijaty mu̶dyiibu̶ ya yajpaatpu̶ñ.