Populære bibelvers fra Vakatekivu 1

Del

A sa kaya na Kalou, “Me datou bulia na tamata e na kedatou i yaloyalo [me i tovo vata kei kedatou] ka me ucui kedatou; ka me ra lewa na ika ni veiwasawasa, kei na manumanu vuka, kei na manumanu e yavai va, kei vuravura taucoko, kei na ka kecega sa qasi voli e dela i vuravura.” A sa bulia na tamata na Kalou e na kena i yaloyalo vakai koya [me i tovo vata kei koya]; e nai yaloyalo [tovo] ni Kalou sa bulia na tamata ko koya; na tagane kei na yalewa sa buli rau ko koya.

A sa vosavakalougatataki rau na Kalou, ka sa kaya vei rau na Kalou, “Drau vakaluveni, ka tubu me lewe vuqa, ka vakatawai vuravura, ka vakamalumalumutaka; ka lewa na ika ni waitui, kei na manumanu vuka, kei na ka bula kecega sa qasi voli e dela i vuravura.”

E nai vakatekivu sa bulia na lomalagi kei na vuravura na Kalou.

A sa sega ni vakacokotaki ko vuravura ka sa lala tu; a sa tu na butobuto e dela ni wasa titobu. A sa yavavala na Yalo ni Kalou e dela ni wai.

Sa qai kaya na Kalou, “Me rarama mai”; a sa rarama mai.

A sa vakaraica na Kalou na ka kecega sa bulia ko koya, ka raica, sa ka vinaka sara. Ia na yakavi kei na mataka sa kenai kaono ni siga.

A sa kunea na rarama na Kalou ni sa vinaka; a sa wasea na rarama mai na butobuto na Kalou.

A sa kaya na Kalou, “Raica, ka'u sa solia vei kemudrau na co kecega sa vakasorena, sa tu e dela i vuravura taucoko, kei na kau kecega sa tu kina na vuanikau sa vakasorena; ko ya e na kemudou kakana.

A sa vakatoka na rarama na Kalou me Siga, a sa vakatoka na butobuto me Bogi. Ia na yakavi kei na mataka sa kenai matai ni siga.

A sa kaya na Kalou, “Me dua na maliwa lala, me wasei kina na wai mai na wai.”

Ia ki na manumanu kila kecega ni vanua, kei na manumanu vuka kecega, kei na ka kecega sa qasi voli e dela i vuravura, sa tu kina na bula, au sa solia na co drokadroka kecega me kedra kakana.” A sa vakakina.

A sa kaya na Kalou, “Me tu na vu-ni-rarama e na maliwa lala kei lomalagi, me wase kina na siga mai na bogi; me i vakatakilakila talega ni veigauna bibi eso, kei na siga, kei na yabaki

A sa kaya na Kalou, “Me vakatubura na co ko vuravura, na co sa vakasorena, kei na kau dauvua e vuravura me vuataka na vuana, sa vakasorena e na kena mataqali.” A sa vakakina.

A sa cakava na maliwa lala na Kalou, a sa wasea kina na wai e ruku ni maliwa lala mai na wai e cake e na maliwa lala. A sa vakakina.

A sa vakatubura na co na qele, na co sa vakasorena, e na kena mataqali, kei na kau sa vuataka na vuana, ka sa vakasorena, e na kena mataqali. A sa raica na Kalou ni sa vinaka.

A sa bulia e rua na vu-ni-rarama lelevu na Kalou — na vu-ni-rarama levu me lewa na siga kei na vu-ni-rarama lailai me lewa na bogi — kei na veikalokalo.

A sa kaya na Kalou, “Me soqoni vata na wai e ruku i lomalagi ki na dua na yasana, me rairai mai na vanua mamaca.” A sa vakakina. A sa vakatoka na vanua mamaca na Kalou me Vuravura, a sa vakatoka na wai sa soqoni vata tu me Wasawasa. A sa raica na Kalou ni sa vinaka.

A sa vosavakalougatataki ira na Kalou, ka kaya, “Dou vakaluveni, ka tubu me vuqa mai, ka vakatawa na veiwasawasa, me tubu me vuqa mai na manumanu vuka talega e vuravura.”

A sa kaya na Kalou, “Me vakatubura na ka bula na qele e na kedra mataqali, na manumanu e yavai va, kei na ka sa qasi voli, kei na manumanu kila kecega ni vanua e na kedra veimataqali.” A sa vakakina.

A sa kaya na Kalou, “Me vakatubura vakalevu sara na wai na veika bula sa lako voli, ka me ra vuka voli na manumanu e dela i vuravura, e na maliwa ni vuravura kei lomalagi.”

A sa bulia na manumanu kila kecega ni vanua na Kalou e na kedra veimataqali, kei na manumanu e yavai va, me vaka na kedra veimataqali, kei na ka kecega sa qasi voli e dela ni vanua e na kedra veimataqali. A sa raica na Kalou ni sa vinaka.