Populære bibelvers fra मरकुस 6

Del

किस कि तेस केईं सुआ मेह्‍णु एन्ते घेन्ते रेहन्तेथ, त तेन्हि खांजे खाण जे बि टेम न मेताथ, तोउं त यीशु तेन्हि जे बोलु, “चले, केसे अरुणि धार घेन्ते। तठि धिक अराम कते।”

पर यीशु तेन्हि जे बोलु, “केसे बि भविष्य वक्ते सद अपु शेहर, अपु रिश्ते नाते त अपु गी इज्जत ना भुन्ति।”

जपल से नाव पुठा भीं आ त तेन सुआ हुसुड़ा का, त तेन्हि पुठ दाह एई गई, किस कि से जीं तेन्हि ढडुड़ के ईं थिए, जेन्के कोई पुहाल न भुन्ता। त से तेन्हि सुआ चीजे बारे शिचालुण लगा।

किस कि मेह्‍णु तस पुठ विश्वास ना किआ त तेनि तठि कोई बोडा चमत्कारे कम कइ न बटे, पर थोड़े ईं बीमार मेह्‍णु सुसुरेरि छड़े। त से तेन्के अविश्वास पुठ हैरान भोई गा। पता से चोहरो कनारी ग्रां घेई कइ मेह्‍णु शिचालण लगा।

तेन से पंज रौठि त दुई मछली नी, त स्वर्गे कना जे हेर कइ परमेश्वरे धन्यवाद किआ। तोउं रौठि टुकड़ेरी टुकड़ेरी कइ चेली कें धे देन्ता रेहा कि से मेह्‍णु बुच बांटे। त से दुई मछली बि तेन्हि सोबी कें धे बांट छड़ी। तोउं सम्हाई मेह्‍णु खाई कइ रज्जि गे। पता तेन्हि बचो तेन्हि टुकुड़ के त मछली के बाराह चाउं भरे।