Populære bibelvers fra मरकुस 16

Del

तोउं यीशु तेन्हि जे बोलु, “तुस पूरे धरती पुठ घेई कइ सोबी जाति मेह्‍णु बुच खुश खबरी प्रचार करे।

विश्वास करणे बाड़ी के ई निशाणी भुन्ति कि से में नओं नी कइ दुष्ट आत्मा नशाणते, नोई नोई भाषा बोते। कीड़ी टाइ छते। अगर से जेहेर बि पियेल, तोउं बि तेन्हि कुछ न भुन्तु; से बीमार मेह्‍णु पुठ हथ रखियेल त से ठीक भोई घेन्ते।”] [

जे विश्वास कता त पाणि अन्तर चुसीन्‍ता, से बच घेन्ता। पर जे विश्वास ना कता तस सज्जा मेती।

तोउं तेन्हि चेली निस कइ हर जगाई प्रचार किआ, त प्रभु तेन्हि जोई साते कम कता रिहा। त तेन्हि चमत्कारे कमे के बेलिए जेन्हि चेले कतेथ, परमेश्वरे साबित कइ छड़ु कि तसे वचन सच्चे असे। आमीन।]

त तेन तेन्हि जे बोलु, “हैरान न भुए! तुस नासरत ग्रांए यीशु, जे क्रूस पुठ ढनओ थिआ, तोपुण लगो असी ना? से जी गो असा। हेरे, एईएं से जगाह भो, जेठि तेन्हि से रखो थिआ। से इठि नेईं।

पर तठि पूज कइ हेरु कि मुंह पुठि मोटा घोड़ घराओ असा। त से कब्र अन्तर घेई गई। तठि तेन्हि यक हच्छे झिणे डबो जवान सुमले कना बिशो काआ, त से सुआ हैरान भोई गई।