Populære bibelvers fra San Marcos 13

Del

Jucheti jimboksïni iápuru ikimchaati, k'óru ima enga no kuatantaaka jakajkuni jarhani, p'ímutanhantaati.”

“Cha, ísï jimbo tsínharhitini ja je, jimbokajtsï no míteska na jatini ísï jánhaskorhea.

Engajtsï jupinhaaka, ásï uandanhea je ambejtsïsï uandaa juramutichani japarini. Jimajtsï jánhastanhaaka ambe engajtsï uandaaka, jimbokajtsï no chásï uandani jauaka, Espiritu Sántusï uandaati.

Auanda ka echeri k'ámakurhiati, k'óru jucheti uandakuechaksï méntkisïuati.”

“Enga úka, nónema mítesti káni, ka na jatini, níksï ánjelicha auandarhu míte, níjtu Diósï Uájpa míte, Tátejkusï míteti.”

Ásï che je engajtsï míteska eska iápuru k'érati uarhiperata úkorhexaka. Ísï jatsisti eska úkorheaka, k'óru nótki k'amakurhixamti.

Chájtu ísï tsínharhitini ja je, jimbokajtsï no míteska káni jungua k'umanchekuarhu anapu tata, inchatiru isï, terujkani chúrekua isï, sïuajpentku isï o xárhentku isï; ásï ima andajpatante ka cha k'uíni jarhani. Ka indeni ambe engaksïni chánksïni arhini jaka, iámenduechanisïni arhiani jaka: ¡Tsínharhitini ja je!”

Jimboka uarhiperanhaaka ka ístuksï jupiperaati k'éri ireta, máteru k'éri iretani jinguni; ka uápuru isï jencheati, ka kánekua k'arhimakua japoati. Indeni jimbo xarharaati eska uénaskia p'amekua, eska uarhiti na uénajka k'uparhata p'amerani.”

Jimboka k'uanisïnga eska urheta iámendu iretecharhu uandanhantaaka ambakiti aiangperakua.

Jimbokaksï uánekua juuaka jucheti jakangurhikua uandaparini ka arhiatiksïni: ‘Jíska’ arhini ka uánekuaksï tandojchpeati.

“Cha jinguntku ja je k'óru: Jimbokajtsï tángorhentskuarhu, ka ístu k'umanchekua tángorhentskuarhu pánhaaka ka nósesijtsï kánhaaka atanhani. Ka jucheti jimbojtsï juramuti sapirhati ka juramuti k'ératichani jinguni pánhaaka, ka jimajtsï imechani jucheti ambe aianguauaka.

Jimbokaksï juuaka Krístu eratakorhecha ka Diósïri uandari eratakorhecha; ka mámaru ambeksï xarhataparini tandojchpeati ka milagruechanksï jimbojtu tandojchpeati, ka jámaatiksï Diósïri erakukatechani jamberi tandojchaani.

“Enga na nitamaakia nósesi jásï ambe, tata jurhiata pájpapakanharhiati, ka nana kutsï nóteru t'íntskaati, auandarhu uératinksï jóskuecha uekorheati, ka auandarhu anapu uinhapekuechaksï xamatakorheati.