Populære bibelvers fra San Lucas 8

Del

Ka ima k'ória tríju engaksï ambakiti echerindu andatseraka, imestiksï engaksï ambakiti mintsita jinguni uékaparini kurhajka ka nóksï ísku kurhani, ka engaksï sési anhaxurhikorhetini ambakiti ambe íntspentajka.”

Ima tríju enga akarhenirhu andatseraka imechani arhikuekaaxati engaksï kurhajka, ka engaksï sánhani arhijka uandanheani ka jatsikorhenhchani ka ambeksï kánhchani ka xénhchani, ísï jámanksï no úsïndi ambakiti ambe íntspentani.

Ima namoni tríju enga tsakapendu andatseraka; imechani arhiaxati engaksï aiangperakuani kurhajka ka tsípekua jingunksï jiókorheni, k'óruksï no kánekua sïrangua pásïndi; namoni jurhiajkuksï jakajkusïndi, ka nóksï úsïndi jima engaksï ts'éjkunhajka.

Tátsekua imeri jurhengorherichani arhiaspti: –¿Andichkajtsïnisï no mintsikajki? Ka imaksï chérakorhetini ka ísku pakareratini kurhamarhperani uénaspti: –¿Néxamue i enga tarhiatani ka itsïni juramukujka ka kurhajchasïndiksï?

ima namoni enga xanhari jimbo andatseraka imechani arhikuekaxati engaksï aiangperakuani kurhajka ka jurhasïndi nóambakiti ka mintsitarhu kénditakuasïndi, ásïksï ísï jámani jakajkue ka p'ímutanhantanksï.

Méntkueni, nómbema jarhasti enga no mítekorheaka, ka nójtu ambe ma jarhasti enga sïpatekuarhku patsakata jaka enga no mítekorheaka, ka iámendu ambe k'amak'amasï mítekorheati.”

Ima uarhiti, enga na jánhaskakorhepka eska piáranhaspka, manaraparini niraspti Jesusini tinguixurhikuni. Iámenduechani japarini aianguspti andisï p'árhepi, ka néna enga ambakentapapka enga p'árhepka. Jesusi arhispti: –Jucheti uátsï, p'ímutanhantaskaria jimbokarini mintsikaska. Sési p'ikuarherapantsï.

Jimajkanksï Jesusini tsínharhitaspti ka arhinksï: –¡Jurhentpiri! ¡Jurhentpiri! ¡Uekamexakachia! Jesusi jauarasti ka tarhiatani ka jenguerakuechani xukaaspti, ka ambajpatespti.