Populære bibelvers fra କୁଲାକାନ୍ 4

Del

ଜେତାଏ ଏଟାଃ ନିଈ ତେ ବାଞ୍ଚାଅ ବାନୋଗା ୟୀଶୁ କେ ବାଗି କେତେ; ଚିୟାଃଚି ରିମିଲ୍‍ଦିଶୁମ୍ ରାଃ ଲାଥାର୍ ହୋଡ଼ୋକୋୱାଃ ରେ ଆଡୋଃ ଜେତାନ୍ ଏଟାଃ ନୁତୁମ୍ କା ଏମାକାନା, ଅକନାଃ ଲୋଃ ଆବୁ ବାଞ୍ଚାଅ ନାମ୍ ଧାଡ଼ିୟାବୁ।”

ଚିମ୍ତା ଇନ୍‍କୁ ବିନ୍ତି ଛାବା କେଦାକୋ, ଏଣ୍ଡେ ଏନ୍ ଜାଗା ଅକ୍ତାଃ ଇନ୍‍କୁ ହୁଣ୍ଡିଲେନ୍ ତାଇକେନାକୋ ହିଲାଅ ଜାନା, ହାର୍ ଇନ୍‍କୁ ସବେନ୍ ପାବିତାର୍ ଆତ୍ମା ତେ ଫେରେଃ ଜାନାକୋ, ହାର୍ ପାର୍ମେଶ୍ଵାର୍ ରାଃ ବାଚାନ୍ ସାହାସ୍ଏତେ କାଜି ଏଟେଃ କେଦାକୋ।

ନାଆ ହେ ପ୍ରାଭୁ, ଇନ୍‍କୁୱାଃ ବୋତୋଙ୍ଗ୍ କେ ନେଲେମ୍; ହାର୍ ଆମାଃ ଦାସୀକୋକେ ନେ ବାର୍ଦାନ୍ ଏମେମ୍, ଏନାତେ ଆମାଃ ବାଚାନ୍ ମାରାଙ୍ଗ୍ ସାହାସ୍ ଏତେ କାଜି ଧାଡ଼ିୟାକୋ।

ନେୟା ଏନ୍ ଦିରି ଗି ତାନାଃ ଅକନାଃକେ ଆପେ ରାଜ୍‍ମିସ୍ତ୍ରୀକୋ ଏଣ୍ଡାଃ ଲେଦାପେ ହାର୍ ଏନା କୋନା ରାଃ ଖାସ୍ ଦିରି ହୋବାଜାନା।

ଚିମ୍ତାଙ୍ଗ୍ ଇନ୍‍କୁ ପାତ୍ରାସ୍ ହାର୍ ଯୋହାନ୍ ଗାଃ ସାହାସ୍ ନେଲ୍ କେଦାକୋ, ହାର୍ ନେୟା ସାରି କେଦାକୋ ଚି ନିକୁ କାକୋ ପାଢ଼ାଅ ଶିଖାଅ କାନା ହାର୍ ସାଧାରାନ୍ ହୋଡ଼ୋ ତାନ୍‍କୋ, ଇମ୍ତା ଆକ୍‍ଦାନ୍ଦା ଜାନାକୋ; ହାର୍ ଇନ୍‍କୁକେ ନେଲ୍ ଉରୁମ୍ କେଃକୋୱାକୋ, ଚି ନିକୁ ୟୀଶୁ ଲୋଃ ତାଇନ୍ କାନାକୋ।

ସବେନ୍ ବିଶ୍ଵାସ୍ ତାନ୍ କୋୱାଃ ମିଃଗି ମୋନ୍ ହାର୍ ମିଃଗି ପାହୋମ୍ ତାଇକେନା, ନିମିନ୍ ସାନ୍ତେ ଚି ଜେତାଏ ଆଜାଃ ସାମ୍ପାତି କେ ଆଜାଃ ତାନାଃ ମେନ୍ତେ କାଏ କାଜି ତାଇନା, ମେନ୍ଦୋ ସବେନ୍ ଜିନିଷ୍‍କୋ ସାମାନ୍ ହାର୍ ସବେନ୍ କୋ ନାଙ୍ଗ୍ ତାଇକେନା।