Populære bibelvers fra Genesi 13

Del

Jũma naʌ̃ ẽjũãra mʌ̃a bʌ́a, bʌd̶eba yõbʌdarãa bid̶a diaya ewariza bãrãne bamãrẽã.

Lo Abraʌ̃ umebemada awara wãnacarea Ãcõrẽba Abraʌ̃a jarasia: –Jãʌ̃be bʌdji b̶ʌmaʌba acʌdua jʌwa acʌd̶aa, jʌwa arad̶aa, ʌ̃mãdau odjabarid̶aa idjab̶a ʌ̃mãdau b̶aebarid̶aa bid̶a.

Mʌ̃a bʌ warrarãra zocãrã yõbiya. Egoro pora poya juachad̶aca quĩrãca bʌ warrarã sid̶a poya juachad̶aca baya.

Maʌ̃ bẽrã Abraʌ̃ba Loa jarasia: –Dadjira ab̶ari ẽberãrã bẽrã bia b̶ʌẽ́a ijarad̶ida; bia b̶ʌẽ́a bʌ animarã wagabadara mʌ̃ animarã wagabada ume ijara pananida.

Ara maʌ̃da Abraʌ̃ba idji wua dera ẽrãped̶a Mamre abada ẽjũãne b̶ad̶e wãsia. Mamre ẽjũãra bacuru dromaid̶a b̶ʌa idjab̶a Hebroʌ̃ puru caita b̶ʌa. Mama Abraʌ̃ba mõgarada ʌ̃tʌ pã buesia Ãcõrẽa ewari iwid̶i carea.

Maʌ̃ne Loba Jordaʌ̃ do jewed̶ada jũma unusia ab̶a Zoar purud̶aa. Maʌ̃ jewed̶ad̶e dji ẽjũãra bia b̶asia Ãcõrẽ néu b̶ad̶a quĩrãca idjab̶a Egipto drua quĩrãca. Maʌ̃ jewed̶ara mãwã b̶asia Ãcõrẽba Sodoma puruda Gomorra puru sid̶a babuei naẽna.