Populære bibelvers fra यूहन्ना 17

Del

तोर वचन सच छै। ओकरासिके सच्चाईमे आपन लिए अलग कर।

कहियो खतम नैहुएवाला जीवन यी छै, कि आदमीसब तोरा चिन्हे सकै, यानिकी खाली एक्केटा सच्चा परमेश्वरके आर ऊसब हमरा चिन्हे सकै कि तुहें हमरा, येशू ख्रीष्टके भेज्लह छे।

हमे खाली यी चेलासिके लिए प्रार्थना नैकरैछियै, मगर एकरसिके संदेशके कारण हमरापर विश्वास करेवालासिके लिए भी प्रार्थना करैछियै, कि ऊसब सभेको एक है। हे पिता, जेरंके तुहें हमरामे रहैछ, आर हमे तोरामे रहैछियै, ओहिने करिके ऊसब अपनासिमे रहिके एक है, आर तुहें हमरा भेज्लह छे कहिके संसारके आदमीसब विश्वास करे सकै।

तुहें ओकरासिके संसारसे ल्याजा कहिके हमे प्रार्थना नैकरैछियै, मगर ओकरासिके शैतानसे सुरक्षित राख।

जे महिमा तुहें हमरा देल्ह छे, हमे ओकरासिके देलियै छे, ताकी जेरंके अपनासब एक मनके छियै ओहिने करिके यीसब भी एक मनके हुए सकै। हमे ओकरासिमे आर तुहें हमरामे रहैछ। अहिने करिके ऊसब पुरा रुपसे एक मनके है। एक्रहैसे तुहें ही हमरा भेज्लह छे आर हमरा प्रेम करै जुगुर तुहें ओक्रहौसिके प्रेम कैलह छे कहिके संसारके आदमीसब जाने सकै।