Populære bibelvers fra Matayɔ 7

Del

« Teni ɨkyɛmɛ, ɓa꞊ninzo ɛyɔ nzoni. Hateni ɨkyɛmɛ, na꞊nyɨa nayɔ nyɨanɨ. Ɓendeni umongu, ɓa꞊nɨganɨa ganɨaa.

Jʉ mombi ngia aata ɨkyɛmɛ, ɓamunzo ɛyɔ nzoni. Nʉ mombi ngia aahata ɨkyɛmɛ, aanyɨa nayɔ nyɨanɨ. Nʉ mombi ngia aɓɛnda umongu, ɓa꞊mʉganɨa ganɨaa.

« Kʉ ɓwanɨ, mombi kʉ uɓomu ngia akʉkɔ moni ngikakɛ nʉ nakɔ kʉkyananakɨa, a ngbanga ndʉ mombi ʉ mbɨmbanaka ngia a꞉tɨa ɨkáa ekoo ʉ ikopi.

« Moni kʉ muɓomu ngika naakʉnda ɓɔ ɓangɛ ɓʉnɨkyɨa, inu ɓʉkyɨeni ɛɓɔ kʉ ɓwanɨ. Moni kʉ muɓomu ngika ka amati ʉ mapanʉ ngika kʉ Mʉsa nʉ amati ʉ mubio ngika kʉ lɨgbɛ ɨkɔ ɨkʉnanɨ. »

Ɨkyɛmɨngana, umongu ngua waanziso ʉɓɨɨ wa kpɔkɔlɨ, nʉ ɨngbaa yɛɛ ɓʉyɛ nanɨ ya kʉ ɨndʉndanɨɛ. Nʉ ɓombi ngiɓa ɓaaɨkpata ɓa ɗɛkɛkɛ. »

« Kumunieni akʉ umongu ngua wɔɔ kpɔkɔlɨ. Jʉ umongu ngua waatito ɓombi akʉ ingyo wa bamu, nʉ ɨngbaa ngia yɛɛ sɛ nanɨ ya gagaa. Ʉna tɔ, ɓombi ngiɓa ɓaaɨkpata ɓa ɓaja.

Ndʉ yaɓio‑zʉ ɓɔ inu ɓombi ɓɔɔ ɓɨɓɨ naambɨa kunzo ɓana ɓʉndɛnʉ kumbo ɔɔ manzanza, anɨ tiga ana iya Atɔ ʉndɛnʉ ngia a ekoo ʉ ɓisi a꞊nzo‑ɔɔ mombi kʉ 'uɓomu ngia anayɔ kʉta kumbo ɔɔ manzanza nadɨndɨ kʉɓaana! »

« Nɔɔtɨnakɔmʉ 'ʉkɔmbɔ wʉ ɓombi nga ɓɔmɔ, ambʉ Asʉɓɨɨ ɔɔtɨnakɔmʉ 'ʉkɔmbɔ nga wʉndɛnʉ kʉ ɓwanɨ. Jʉ ngbanga kʉndʉ inu naanapɨa ɓangɛ nʉ 'ʉkɔmbɔ, Asʉɓɨɨ a꞊nɨnapɨa inu nʉ 'ʉkɔmbɔ ngbanga kʉ ɓwanɨ. Moni ngika inu nakʉkyɨa ɓangɛ, Asʉɓɨɨ a꞊nɨkyɨa inu kʉ ɓwanɨ.

Ɨkyɛmɨngana, mombi ngia akʉkɔ moni ngika makʉyaka engo, chʉkɔmʉ ambʉkʉkyananakɨa, a ngbanga ndʉ ijangi ngia ya꞉tɨa ɨkáa ngiangɔ ekoo ʉ masasaɨ.

Jʉtanɨ ɔwɛ wakʉnɨna tʉkʉ ambɛmbɛsʉ wʉ usoi ngua wa amati ʉ iso ngia yɨ mananʉ, wambikinye kʉna igbiti yɨ 'ʉkakaʉ ngia ya amati ʉ iso ngiisɔɔ? Ɨkyɨkyɨɓʉmʉ tanɨ wakwanana kusigio ayoo asɔɔ ɓɔ: ‹ Ɨka muniso usoi ngua wa amati iso ngiisɔɔ ›, ati ngia ɔwɛ‑zʉ wanʉ igbiti yɨ 'ʉkakaʉ amati ʉ iso ngiisɔɔ?

« Pɨmɨeni lɨgbɛ lʉ yakanaka pɨmɨaa. Jʉ ɓaaka anambamba ʉndɛnʉ tʉkʉ ndʉ ɓakɔndɔlɔ. Ɨkyɛmɨngana, amati ʉ mɨtʉma ngiindaɓʉ ɓa ɓakwei. Ɓombi ngiɓʉnanɨ, na꞊ɓʉmbɨa tʉkʉ akʉ ɨkyananakɨa ngiindaɓʉ. Jʉ ɓambakaɗʉka mijabibo ekoo ʉ 'ʉchɛkɛlɛ, kʉndʉ ɓambakaɗuka lipumo lɔɔ manzanza ekoo ʉ wamboku.

Ɓʉtɨ ɓɔɔ ɓuɗo ɓaamɔ tʉkʉ lipumo lɔɔ manzanza, kʉndʉ ɓʉtɨ ɓɔɔ ɓɨɓɨ ɓaamɔ kʉ lipumo lɔɔ ɓɨɓɨ.

Ɓʉtɨ ɓɔɔ ɓuɗo ɓambakamɔ lipumo lɔɔ ɓɨɓɨ, kʉndʉ ɓʉtɨ ɓɔɔ ɓɨɓɨ ɓambakamɔ lipumo lɔɔ manzanza.

Ɓʉtɨ kʉ ɓuɓomu ngiɓa ɓambʉkʉmɔ lipumo lɔɔ manzanza, ɓaɓʉkwaka kwakaa, ɓambuɓugiso akʉ dyaa.