Populære bibelvers fra मत्ती 18

Del

चोयाकी तोटेन बारखींज या आफाई कुरकू इंजा जीमू टे जमाऊबा होय इंज दिकुगा तलान थंदळवा मेना।”

इंज आमटे डाबोलटे मंडीवा मेना, अगर आपे तालाटे बरी कुरकिंज पृथ्वी लिंजेन तुनिका विषय लिंजेन म्या मन टासो बिनती डाए, मेटे देटेन इंजागा बाटे जो स्वर्ग गेन होय आपिंजके डी बिनती गा जवाब जेबा।

एने लिंजेन यीशु नी म्या सानी के मेरान हाकोटे दिकु तलान तेंगेन्केनेच। एठा मंडीके, इंज साच्चो मंडीवाकी, अगर आपे बान इखाट एठा चफनीकू रोंगो बाकी आरु, मेटे स्वर्ग गा राज्यन मु बाने होय।

लेकिन अगर आम इनी सानी रोंगो भी नम्र आरुवा मेना, मेटे आम स्वर्ग गा राज्य गेन सेबाईकु टे महान मंडीऊवा।

एठा जो जेकाभी इंजा जीमू टे म्या येनोगो सनी के मानेनेज्बा होय।

इंज आपेटे सच्चो-सच्चो मंडीवा मेना, जो चोचकाभी आम पृथ्वी लिंजेन टोलेवा, देटेन स्वर्ग गेन टोलेवा एठा जो चोचकाभी आम पृथ्वी लिंजेन खुल्लाएबा, देटेन स्वर्ग गेन खुल्लाएबा।

“इनी रोंगो अगर आपे तलाटे हार म्याखोम हेजा डाईटेके मन टे मापो बान जिऊ, मेटे इंजा स्वर्ग बाटे आपेगा सेंग्गोन येनोगो डाएवा।”

डाबोलटे यीशु नी चेलाकू टे मंडीके, “अगर जेकाभी डी कोरो के जो इंजा लिंजेन विश्वास दोडोवा। दियागा विश्वासेन खेडा जोम गा करण आरु होय। भलाका डीच इनी सनी रोंगो जेका टासो, इनी दियागा घाल्जी अच्छा होय कि दियागा गर्दनेन म्या खाट घोटा टोल्के टासो एठा डीचके नामुजू घाल्जी समुद्रान टेप्पाकेच।

आपेन चोच सामझातिंजूवा होय? अगर तुनिका कोरो गा सौ मेंडाकू टासो दिकु तलाटे म्याखोम आटजे टासो, मेटे चोच नव्यनाऊ आराटे एठा टुक्की लिंजेन सेनेवा डो, डी आटजे मेंडाके बान घगाटा?