Populære bibelvers fra લુક 18

Del

ઈસુય ચ્યા શિષ્યહાન આખ્યાં, યા બારામાય કાયામ પ્રાર્થના કોઅરા જોજે, એને ઈંમાત નાંય છોડા જોજે, ઈ વાત ચ્યાહાન હિકાડાંહાટી ઈસુવે ઓહડો દાખલો આખ્યો.

પોરમેહેરાય ચ્યા નિવાડલા લોકહાહાટી જ્યા દિહીન-રાત ચ્યા હોમ્મે વિનાંતી કોઅયી, પોરમેહેર ચ્યાહા મોદાત કોઅરાહાટી વાઆ નાંય લાવી. આંય તુમહાન આખહુ, તો તારાત ચ્યાહા ન્યાય કોઅરી, બાકી જોવે આંય, માઅહા પોહો પાછો યીહીં, તોવે માન દોરતીવોય માયેવોય બોરહો કોઅનારા કોલાં લોક મિળી?

ઈસુય ચ્યાહા એછે એઇન આખ્યાં, “ઈ માઅહાલ તે નાંય ઓઈ હોકે, બાકી પોરમેહેરાથી ઓઅઇ હોકી; કાહાકા પોરમેહેર બોદાંજ કોઅઇ હોકહે.

ચ્યાય બોજ દિહી લોગુ તે નાંય માન્યો બાકી પાછે વિચાર કોઅહે આંય પોરમેહેરા દાક બી નાંય રાખું એને કાદા માઅહા પારવા બી નાંય રાખું. તેરુંબી ઈ વિધવા બાય માન હેરાન કોઅહે, યાહાટી યે બાયે માન ન્યાય કોઅરા પોડી, કાહાકા એહેકોય નાંય બોના જોજે કા ગેડી-ગેડી યેયન સેલ્લે તી માન બોજ હેરાન કોઇ દેય.

આંય તુમહાન હાચ્ચાંજ આખતાહાવ કા, જ્યેં માઅહે પાહાહા હારકા પોરમેહેરાલ નાંય હોઅપે, ચ્યે પોરમેહેરા રાજ્યામાય ચ્યા માઅહે નાંય બોની.”

બાકી ઈસુવે ચ્યાહાન પાહાય હાદિન આખ્યાં, “પાહાહાન માયેપાંય યાં દા, ચ્યાહાન ઓટકાડાહા મા, કાહાકા ચ્યાજ લોક જ્યા યા પાહાહા હારકા બોરહા લાયકે હેય, પોરમેહેરા રાજ્યામાય ચ્યાજ રોય.

તોવે ઈસુવે ચ્યાલ આખ્યાં, “તું માયેવોય બોરહો કોઅતોહો યાહાટી આંય તો બોચાવ કોઅતાહાંવ.”

ઈસુવાય ચ્યાલ જોવાબ દેનો કા, “તો આખના મોતલાબ કાય હેય કા આંય હારો હેય? પોરમેહેરા સિવાય કાદોજ ઉત્તમ નાંય હેય.