Populære bibelvers fra Luuka 23

Del

ɄYeesu ahaga, “Wee Daada! Ʉbhakhobhoshele hu nongwa ya‑aje, saga bhamɨɨnye zya bhabhomba.” Abhalwi bhaala bhahagabhana amenda ga Yeesu, hwi‑idala ɨlya‑aduunye ɨnduunya.

ɄYeesu ahamʼmwamula ahaga, “Lyoli ɨhubhʉʉzya huje, ɨleelo ɨli ʉnza‑abhe peeka naanɨ hu Paladiiso.”

Ɨpo ahaga, “Wee Yeesu! Ɨhulaabha ʉnizuhaje lwʉ‑ʉtʉʉha mu wumwɨnɨ waaho!”

Ɨpo ʉYeesu ahakhoola ɨhoolo ɨngoosi ahaga, “Wee Daada! Ɨhuwubhɨɨha ʉwʉʉmi waanɨ mu nyoobhe zyaho.” Lwa wayanga ɨsho, ahafwa pɨnɨɨpo.

Lwa bhaafiha pa bhahagaga Pi‑Ifupa li‑Itwe, bhahanʼkhomeela ʉYeesu pa shikhobheehanyo. Bhope abhabhomba mbiibhi bhaala bhabhɨɨlɨ bhahabhakhomeela mu vikhobheehanyo vyabho, weeka hu lubhazu ʉlwa hu lɨɨlo ʉlwa Yeesu, nʉ wamwabho hu lubhazu ʉlwa hu mongo.

Ahwande mu saala nʼtanda ɨshi pasanya afishe mu saala ɨya fundihandwɨmo (9), isanya lyahazima, hwahabha hiisi mu nsi yonti. Mu nyumba ɨmfinjile ɨya Ngʉlʉbhɨ ʉwiizigo ʉwi‑igolole wahazembuha pabhɨɨlɨ.

Ʉnʼnongozi ʉwa bhalwi lwa waalola zya zyabhombeha, ahamʼmwamiha ʉNgʉlʉbhɨ ahaga, “Lyoli, ʉmuntu ʉnʉ ahali nʼgolosu!”