Populære bibelvers fra मत्‍तयाल 16

Del

अस्‍के येसु ओना सिस्युल्कुंक इल्‍हा वेहतोर. “ओक्‍कला बोरन्‍ना मनकल नावा पज्जो वायना इत्‍ते, ओर ओना पूरा इस्‍टाल्क होळसिसि सतता क्रुस तेह्‍कुंचि नावा पज्जो वायिर.

इंदके नना नीवा पोरोल पत्रु इंचि इरसंतन, बारित्‍ते इदे बंडापोर्रो नना नावा कलिसिया निलाहंतन. दीन हामुरता ताकतगुडा कूल्हा पर्रो.

नना नीकु स्वर्ग राज्येमता तालम कय्‍क हीसंतन, निमे बूमिपोर्रो बदुन अय्ते दोहंतिनो, अदुन स्वर्गमतेगुडा दोहमळ जर्गंता. निमे बूमिपोर्रो बदुन अय्ते लेहांतिनो, अदुन स्वर्गमतेगुडा लेहमळ जर्गंता.” इंचि इत्‍तोर.

बोर अय्ते ओना जीवातुन पिसागोटालय हूळांतोर, ओना जीवा होन्‍नार. गानि बोर अय्ते नावाहाटीं जीवा होनागोटंतोर अद ओन्क दोर्कंता.

ओक्‍कला मनकल पूरा दुनियातुन संपलिच्‍चि ओना जीवातुन पोगोटकुत्‍ते ओन्क बता पायदा आंता? हिलाकोंटे मनकल ओना जीवाहाटीं बदला बतल हियानुर?

“अय्ते मरि, मिमेट, नना बोन आंदुन इंतिर?” इंचि येसु ओर्कुन पूसकीतोर. “निमे जीवाते मनना पेनदा मर्रिन किरिस्‍तुन आंदिन,” इंचि सिमोन पत्रु इतोर.

अस्‍के येसु “योनाना मर्रि सिमोनु! नीकु आसिर्वाद दोर्कुता. बारित्‍ते, इद पोल्‍ले नीकु बोर मनकल वेहा हिल्‍लोर, गानि नावा स्वर्गमता बाबाल नीवा लोप्पोटाल वेहतोर.