Populære bibelvers fra Jenesis 3

Del

A e diskinia dikhla kai e septelia gole kasteki saia sukar, ta mangla te avel la gua bizaipe, ta lia iek septelia ta jala ta dia i pe rrome, ta i vou jala.

A o sap saia o mai bizai maskar sa e zivirinie dive kai o Del o Gazda cherdaia. Ta iek llive phenda e diskiniake: ¿A so o Del phenda tumenge te na jan katar ni iek kas katar o vostano?

Ta ka cherav te ave ande brasnia tu ta e diskinia ta te avel brasnia maskar chiri vicha ta laki vicha, gaia vicha ka rranil tut ando soro a tu ka rrani la ando kukui e porrneko.

A e diskiniake phenda: Ka bariarav che dukha kana ka maladol chuke, ta ka ave zelni te ave che rromea, ta vou ka gazdaril pe tu.

E ezniovura katar cho chikat ka peren te sai dobi cho marrno lligo ni ka iri tut kai e phuv, soke latar cherdilan. Soke prajo san, ta prajo ka cherdo pale.

A e muruseke phenda: A pala e sama kai thodan che diskiniake ta jalan katar e septelia e kasteki kai phendem chuke te na ja, akana pala chiri dos, e phuv ka avel proketime, ta bute radoia ka chere e phuv te del tut jape, suako llive che zivotoko.

Ondaka o Del phenda leke: ¿A ko phenda chuke kai san nango? ¿Jalan e septelia katar o kas kai phendem chuke te na ja?

Mapalal kana ikanda e muruse ta e diskinia, thoda karing kai perel o kham katar vostano kerubinura ta iek jarni phabardo kai miskolape pe suako rig, te arakhel o drom katar o kas e zivotoko.

Ondaka o Adan thoda o anav pe rromiako Eva, soke voi avili e dei katar sa e manusa.