Populære bibelvers fra Mâk 14

Del

U gwùŋì tsə nə̀, “A tà, təli wam! Wò də̀ ŋwô ani zə̀ŋi ayiə dzə̀m. Nîy ŋwòə ŋgoʼ yə awò mìə̀, anə ayiə yə wò liə nəniy, à wày dzə anə ayiə yə mə liə nəniy.”

U dzày yə̀ a ghu nə, Ghà ki lia yəə asə yiy, gwùŋə̀ yə̀ nə̀ abu ghà bvə̂ nyi tswi tsə anə imwàmkòʼ, kəə ghà ə nə̀ zəŋə iyiə ìbɛbə yiy. Ghà liə ŋwô ani fàʼ ìyiə yə i də nəniy tsitsi, àkwuni də̀ kə nə̀ iwè nəli yiy lay ŋwò.

Mə ndzəmə̀ dzìy bə̀ ŋwò â ghà nə̀, loʼo tə tə̀dzə̀m ghu nî nìʼà ntwùm ə̀ Kə̀zə̀ yə̀ ate fə anə mbyi, ghu nî dzìy sòʼò ŋwò ìyiə yə ù zəŋi nəniy, ani myiŋə tsə we ate.

U dzày yə̀ a ghu nə, “Mə ŋge mwe ŋwò anə fôŋ, də̀ sòʼò te mə ni pfə. Dòʼo tsə nənìy fəə, ghà ki lia yəə loʼo tiy.”

Abù Yesù nyiə nə̀ tsə̀təndii tə we tiy, Yesù ə nìy kə kəba boʼ tsə, nyə̀ yə̀ kə̀zòŋə̀ ate awò Zə̀kìy, nyə̀ yə̀ ba kə awò tsə̀təndii tə we tiy, dzày tsə nə̀. “Nìy nənìy, À yù də̀ uwe nam.”

U nìy kə bwam nyə̀ tsə sòʼò kə̀zòŋə̀ ate awò zə̀kìy, dyaŋi nyə̀ tsìy yə̀ awò tsə̀təndii tə we tiy, dzày tsə a ghu nə, “Ghà moʼ mu tsîy kpwe yə̂,” ghu mu tsìy yə̀ sòʼò àdzə̀m. U dzày yə̀ a ghu nə, “À yù də̀ kâŋ tam mə nyii ŋkà mìy ate anə utuw ndə̀mə̀ àghù.

Yesù ə dzày yə̀ â tsə̀təndii tə we tiy a ghu nə, “Ghà kî twe myàʼà ŋwò miə gha adzə̀m, aŋwòə i twâ dòʼò anə ŋwàʼà k-a-zə̀ nə̀, ‘Zə̀kìy kî wiy myàʼà tsə àbàʼàtə̀ndzù, ndzwù tìy ki ŋwô tu saŋə̀ tsə.’

Ghà ŋwô kə idoŋ ŋgà ŋwô. Kòʼo wù wə̀ ù fè fyi nəniy miə, ù nyìə̀ bè ŋwò.”

Yesù ə dzày yə̀ â Pità a we nə, “Mə ndzəmə̀ dzìy bə̀ ŋwò â wò nə̀, â mwaʼ kiy ani tuŋ sòŋə imbè nə̀ zwù k-u-tsuk kiy, à ki də nə̀ wò mə dzày fyi sòŋə inti nə̀ wò kwu dzə̀ way miə.”