Populære bibelvers fra Dzwan 21

Del

Abù yəə ghu nyi mâ kə nəniy, Yesù ə bəb yə̀ awò Pità a we nə, “A Simùn, wà Dzwan, wò liə ŋwô miə tsìy fyi yəə tsə̀təndii tə̀liy tə̀ liə nəniy miə ate ə̀?” Pità ə bə̀lì kə a we nə, “Ìny a Mwe ə̀ mbyi, wò kwu ŋwô nə̀ mə liə ŋwò wô.” Yesù ə dzày yə̀ a we nə, “Yɛ̀mi anə aghù yam anə yiə yə àbàʼàtə̀ndzù yèmə̀ nəniy anə awi təndzù.” Ani zəŋi yə̀ nsòŋə imbè, Yesù ə nam bəb fəli tsə a we nə, “A Simùn, wà Dzwan, wò liə ŋwô miə tsìy fyi yəə tsə̀təndii tə̀ liy tə̀ liə nəniy miə ate ə̀?” Pità ə bə̀lì kə a we nə, “Ìny a Mwe ə̀ mbyi, wò kwu ŋwô nə̀ mə liə ŋwò wô.” Yesù ə dzày yə̀ a we nə, “Yɛ̀mi anə aghù yam anə yiə yə àbàʼàtə̀ndzù yèmə̀ nəniy anə təndzù.” Ani zəŋi yə̀ nsòŋə inti, Yesù bəb fəli yə̀ â Pità a we nə, “A Simùn, wà Dzwan, wò liə ŋwô miə tsìy fyi yəə tsə̀təndii tə̀ liy tə̀ liə nəniy miə ate ə̀?” Fòŋ ə fyimi yə̀ Pità aŋwòə Yesù mə bəb fyi nsoŋə inti nə̀, “Wò liə ŋwô miə ə̀?” Pità ə dzày yə̀ awe nə, “A Mwe ə̀ mbyi, wò kwu mà ŋwô àyiə adzə̀m, wò kwu ŋwô nə̀ mə liə ŋwô wô.” Yesù ə dzày yə̀ a we nə, “Yɛ̀mi anə aghu yam anə yiə yə àbàʼàtə̀ndzù yèmə̀ nəniy te azoŋə̀ tə̀ ndzù.

Mə ndzəmə̀ dzìy bə̀ ŋwò â wò nə̀, yəə wò kə də wà fə̀ghàŋ, wò kə dzə̀ŋə̀ kə ndzwu tiə̀ wò zù anə lòʼo kə wò liə ani zù ate. Abu wò dzə̀ŋi tsə nəniy, wò ki nia fyiə yə ukwe yiə̀ wìy, wè lìy ki dzəŋə nia kə ndzwu tiə̀ tìy, u nìy zù nə̀ wò anə lòʼò kə wò də liə way ani zù ate.”

U dzày yə̀ a ghu nə, “Ghà maʼà nyi yə̂ tə̀wee anə bə̀d kə ukwe u kə mfə̀n ù nyiə wiy ghà ki kwi tətsi.” Abù ghu maʼà nyi yə̂ nəniy wee tə ghu tiy anə bə̀d kə ghè kə̀, ghu də̀mə̀ kè ani sè fyi kwoʼ dzwoŋi bə̀ tə̀wee aŋwòə tsi tiy kə də̌ ate anə ndə̀m.

Simùn Pità ə dzày tsə awò tsə̀təndii tə̀liy tə a ghu nə, “Mə dziy zû kwi tətsi.” Tsə̀təndii tə̀liy tə dzày yə̀ a we nə̀, “Ghè dzwùmə̀ bə̀ sòʼò ŋwò wô.” Ghu nyi kə an-a-mfə̀n, ani zù kwi tə̀tsi, ghu kə̀ kwuni kwi nəway fyiə kə̀liy kiy nə̀ ntsukə tə ghè tə̀.