Populære bibelvers fra Dzwan 16

Del

Mə ayiə yə̀ ghî dzìy tə̀ ghà ki kwu ibvay yiy anə fôŋ təli, aŋwòə ghà də fyiə kəmòʼ nə̀ mìə̀. Aghee mbyi kî zəŋə ŋwò nə̀ ghà fii. Ghà kwuni kəli tsə kə fôŋ tə̀ taw tiy! Mə mə təm nyi aghee mbyi yiy.”

Abu Zwàykə̀zwe kə kə dê nəniy iyiə yə i də nəniy ìsoŋə̀ kwùmə̀ yə̀ nə̀ Zə̀kìy kî bê nəniy, ù kî zəŋi tsə nə̀ ghà kəli tsə ayiə àsoŋə̀ yə̀ àdzə̀m. Ù kì dzìy dzə̀ wày anə daʼa kə we. Ù kì dzìy bə̀ kə àyiə yə ù zuw nəniy awò mìə̀. Ù kî zəŋi tsə sòʼò nə̀ ghà kəli tsə ayiə yə a kwu nəniy ani bù fyi.

Ghà kamə kə̀ ŋwa nəway fyiə kə̀liy kiy â Zə̀kìy anə izəd yam bù kwùm tsə nyiə. Ghà ŋwa yə, Zə̀kìy kî nyə̀ ŋwò â ghà tə ghà ki də nə̀ dwiʼi kiy naʼ ìdzə̀m.

Mə ndzəmə̀ dzìy bə̀ ŋwò â ghà, iŋwô yam yiy kî fìì ŋwò gha, aŋwòə abu mə də kə̀ ŋwô nəway, wù wə̀ ù dziy fày ghà, ù kì bè sòʼò wày â ghà. Abu mə kwuni ŋwô yə̂ mə ki twum bə̂ we â ghà. Abu ù bù nəniy, ù kî zəŋi tsə nə̀ aghee mbyi yiy kəli tsə iyiə yə i də nəniy ìsoŋə̀ yìy kwùmə̀ yə̀ nə̀ ìbɛb yiy, kwùmə̀ yə̀ sòʼò nə̀ ìyiə yə i də nəniy tsitsi anə sə k-a-zə̀, kwùmə̀ yə̀ sòʼò nə̀ yəə Zə̀kìy nî saʼa wiy aghee mbyi yiy ate.

À də̌ ndzòʼò ìyiə yə i fyiə nə̀ ghà nyiə. À yù də̀ soŋə fəli fə̀ mwe fiy, mə kî kwuni kòʼò fwulə yə̀ ŋwò gha. Ghà ki kəli tsə kədwiʼi anə yiə yə wù lìy kì də wày ani bwi na ghà nə̀ ghà kə dwiʼi sòʼò. Ani buu ntsuk fə ghè fə̀ nì kpe tsə nəniy, ghà nî kàmə̀ bəbə zələ way iyiə ìliy yiy â mìə̀. Mə ndzəmə̀ dzìy bə̀ ŋwò â ghà nə̀ təli wam kî nyə̀ ŋwò gha nə̀ fyiə kə ghà kî ŋwa yə̂ nəniy â we anə izəd yam.

Mə ndzəmə̀ dzìy bə̀ ŋwò â ghà, ghà ki dîy, ghà mwe soʼò, aghee mbyi ə ni kwuni dyoʼo. Ghà nî mwe ŋwò, ani buu ghab kiy fyi tsə nəniy, ghà ni kaʼ yə̂ ani dwiʼi.