Populære bibelvers fra A Vuhuna 17

Del

Na tahuna e Abram i tahoka a pida i 99, i bele vona e BAKOVI DAGI i takia, “Iau a Vure Tuhaka, o laho na matagu, o rata a naro malamala.

Ioe i uka ma ni gi gale tabu ge Abram, ngane a ramu e Abraham, a vuhuna a rata ioe ge ioe e tamane huriki a kabu ge kupo.

Iau ga vakatorea vomu a ngava dagi. Ra ngava dagi iea ge tabuli vakaroro vomu, ne huriki a hamomu ri gi bele muri ma. A ngava dagi i maea: Iau a Vure Muholi vomu, a Vure ne huriki a hamomu.

“Iau ga ratea vomu tara ngava dagi, ioe ga vuhuna e huriki a kabu ge ala kupo.

Lakea a Vure i ta maea, “Muholi, pali e girihimu e Sara ge podea a koma bakovi, o vunua a rana e Isak. Ga vakatora a ngava dagi nau vona, turana e huriki a hamona.

Ra malala e Kenan, ngane o made manga a mosi vona, ga habia vomu, ge vomu liu. Muri ga habi poloa ne huriki a hamomu. Pali iau, ge iau a Vure ne ria.”

Muri e Abraham i lolu puru liu na malala, i nongo, i taki mulea, “Iau a gare, a tahoka a pida i 100 pali, pali ga vakaluve navia a koma bakovi? Pali e Sara tara i gare, i tahoka a pida i ravulu polo va (90). Pali ge poda navia a koma?”

A Vure i taki tabua e Abraham, “E girihimu i uka ma ni gi gale tabu ge Sarai, ngane ni gi gale ge Sara.

Ra naro ni vapala a kuli, ne vona ni vakasiri a ngava dagi a habia vomu.

Pali a ngava dagi nau ga habi kunanea ne Isak. E Sara ge poda na parava maea na pida muri.”

E huriki a hamomu ri gi muri mai a naro iea, ri gi pala a kulina koma bakovi, ri tahoka a parava i polotolu. E huriki a koma bakovi, i uka ma a hamomu, ni poda na tabeke vomu, a tuna vora ni kona na tanga basi, ngi ranga ni gi pala kuline ria. E huriki a koma ni poda na tabeke vomu o ni kona na moni, ni gi pala a kuline ria. Ra ngava dagi nau i lakea na kuline mua ni pala ge tabuli vakaroro.