Populære bibelvers fra Génesis 12

Del

Qanpa mirayniykikunamantan huk ancha hatun *nacionta ruwasaq. Hinaspan qantaqa bendecisqayki. Qantaqa ancha reqsisqa runamanmi tukuchisqayki. Hinaspan qanrayku wakin runakunatapas bendecisaq. Noqaqa bendecisuqniyki runakunatan bendecisaq. Ichaqa maldecisuqniyki runakunatataqmi maldecisaq. Qanraykun kay pachapi llapallan nacionkunaqa bendecisqa kanqaku, nispa.

Señor Diosmi Abramta khaynata niran: —Llaqtaykita, familiaykikunata hinallataq papaykipa wasintawan saqespa ripuy. Noqan huk allpata rikuchisqayki, chaypi tiyanaykipaq.

Chaymi Abramqa Señor Diospa kamachisqanman hina chay tiyasqan llaqtamanta ripuran. Hinaqtinmi sobrinon Lotpas paywan ripuran. Abramqa 75 watanpin kasharan, Harán llaqtamanta lloqsisqan ratoqa.

Chay lugarpi kashaqtinmi, Señor Diosqa Abramman rikhuriran. Hinaspan khaynata niran: —Noqan kay allpata qanpa mirayniykikunaman qosaq, nispa. Hinaqtinmi Abramqa, Señor Diosta yupaychananpaq, chay lugarpi huk altarta ruwaran, chay lugarpi payman Dios rikhurisqanrayku.