Populære bibelvers fra Mateo 7

Del

“Nyepenu, pe mukapanikiwa, shingenu, pe mukawana, ngongomwezenu, pe bakamishinkulwila.

Ndaba ou nimwendi ukunyepa ukutambula. Nimwendi ukushinga, ukuwana. Kami ou ukungongomweza, bakumushinkwilila.

“Nohobene ou nimwendi ukuyuvwa mazu wami, pe hakuwombatala, ukufweka ngo mulume wa ngana wazikile litala lyendi ha limanya.

“Nohobene mu byuma nimwabyo tendelenu baminenu ngonehe mukushinga ngayi nanibo bamitendele. Ndaba nizo Ndayano za Moshesha na bilongesha bya bamiluwe.

Ngoboni shipana shakuya ku wumi shakushinana na nzila yikuyako yakushotala, pe bakuyiwana babashe.

“Inginenu mu shipana shakushinana. Ndaba shipana shakuya ku Ngehena shakuyahamina, kami nzila yikuyako yayinene, pe bakwinginamo babengi.

Tambako enu bababi mukulimuka kupanika bana benu byuma byabiwahe, pe Tatiyenu wa muyilu ukakwanga nahiti kupanika byuma byabiwahe kuli baya bakulomba kukwendi?

“Hinga muyata baminenu, pe nanenu bakamiyata. Ndaba nyatilo eye mu kuyata nayo baminenu, mukayatiwa nayo. Kami osho mukutenda kubaminenu kami bakamitendasho.

“Ngoboni ou nimwendi ukuyuvwa awa mazu wami, pe hakubula kuwombatala, ukufweka ngo mulume wakuyeba wazikile litala lyendi ha lihekelela.

Shumangani ukutilamina kahoni kali mu liho lya kawushinda wobe, ngoboni ukubula kutosha shitondo shili mu liho lyobe? Pe ukwamba nahiti ku kawushinda wobe ngayi, ‘Leha nikufumishe kahoni kali mu liho lyobe,’ oho obe hinga wekala na shitondo mu liho lyobe?

“Keyenu na bamiluwe ba mahalo. Bakwiza kukwenu banalifwiki shitembe sha mbelele, ngoboni mukati banengi bambinzi babakali. Mukabalimukila ku mikabo yabo. Kati mikabo ya shinyanca bayibuyanga ku muwungawunga, hinge nkuyu bazibuyanga ku mukona ndi?

Nohobene mutondo wawuwahe nimwawo wukuyima mikabo yayiwahe, ngoboni mutondo wawubi wukuyima mikabo yayibi.

Mutondo wawuwahe kutwesha kuyima mikabo yayibi wufwako, kami mutondo wawubi kuyima mikabo yayiwahe wufwako.

Mutondo nimwawo wakubula kuyima mikabo yayiwahe ukatemiwa, nakuuyumbila mu mundilo.