Populære bibelvers fra John 15

Del

Keima in sapitkung hi a, note in a baakte na hi uh hi. A kuama po in kei sungah hong om a, ama sungah kei ka om le ama in nga tam mama nga tu hi; banghang ziam cile kei ngawl taw bangma na vawt thei buatu uh hi.

Kei sungah hong om po tavun, no sungah kong om tu hi. A baak khat nguak bek a nga thei bua hi; a kung taw a kizop ciang bekin nga thei hi. Tuasia bangma in kei sungah nong om bua uh le a nga na nga thei buatu uh hi.

Kei sungah nong om uh a, ka kammalte note sungah a om le tuasia ciang na uuk pawpo nong ngen tu a, na nga tu uh hi.

Note in kei nong teal bua uh hi; keima in note a kikhomsuan a nga namte tam mama na nga natu in, kong teal a, nasep kong pia hi. Tua ahikom Pa in kei min taw, ama tungah na nget uh po, hong pia tu hi.

Mihing khat ii a lawmte atu a nei thei a lianbel itna in amate atu ama ii nuntakna a piakna ahi hi.

Ama in kei tungah a nga ngawl baak theampo sattan tu hi, sapitnga a ngana baak pawpo a thiantho natu le tamzaw a nga thei natu ho in heu tu hi.

Kong thupiak in hi thu ahi hi: keima ii kong it bangma in, khat le khat na ki it vun.

A nga tam na nga uh ciang ka Pa minthanna kilanghsak hi; tuabangin keima nungzuite na suak uh hi.

“Keima in Sapitkung tatak ka hi a, ka Pa in huan neipa ahi hi.

A kuama po kei sungah hong om ngawlte thingbaak bangin kivawkin, kocip hi; tuabang a baakte kitawm in meimang sungah kibum a, kaanghtum hi.

“Note sungah ka lungdamna a om natu le na lungdamna uh a kicin natu in hi thu kong son hi.

Ka Pa thupiakte ni a, ama ii itna sungah ka kip bangmain, kong thupiakte na ni uh le kong itna sungah na kip tu uh hi.

Tua hi a, hi thu in note tungah kong thupiak ahi hi: khat le khat na ki it tavun.

Note leitung neisa hi le uhte leitung in ama aituam bangin hong it tu hi. Ahihang hi leitung panin note kong teal zo a, note leitung neisa na hi nawn bua uh hi; tua hu in leitung in note hong ensan hi