Populære bibelvers fra Njɔyn 5

Del

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Njisə̀s ə fe è nyiŋ fu, ə kê nə è nyi mə è və zaf sə se pìŋ se tsɨse. È və ke pfɨf sê vəyn nə, “Ò kɔ̂ŋɔ̀ ndò se tɛ ə?”

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi. Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Njisə̀s ə pîə sê vəyn nə, “Ndwi, ə njìə fèghâm fɛfe ə kwìə.” Kè sə ashìŋə̀, wùə ə̀təyn ə tɛ, ə ngɛtə̂ fèghâm fə vəynfe ə zhə̀tə̀ se kwì. Zɨnə mə tè kyàyn etuʼ endaʼ.

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.