Populære bibelvers fra Luca 8

Del

Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Maapae ichi ome p'ɨrrɨapataɨrã́ nãɨya jarasima: —Mãrapa mɨne ĩjãa p'anɨt'a ¿K'ãasãasima? Maamina ichi ome p'ɨrrɨapataɨrãpa wap'eapa k'awa k'ɨ̃risiadaé pasima. Ara ãchi tuaba idi para beesima: —¿Nãɨ k'ait'a jãɨya bɨma? Ichi pedea nãupa mãɨnepa pania t'umá ũripatama.

Mãɨ chi net'a tau ode baedat'a nãɨ jara bɨma: waapẽarã ẽpẽrarãpa Tachi Ak'õre pedea ũrinak'ari tiorepa mãɨ pedea ãchi sõne cheda k'ɨ̃risia atuapiparima ĩjãapidaemaapa. Mãɨya ãchi nemietaadepema k'aripaiwẽma.

Ara mãɨ jĩra ne ãarea mẽra oodada Tachi Ak'õrepa ẽpẽerã ãareaɨrã́ k'awapiipɨ. Tachia k'awadawẽa p'anɨt'a mẽra beeiwẽma.

Wẽrapa ooda p'ue mẽraiwẽ k'awada pẽra wap'eapa ore nɨbeek'ari Jesú jĩruk'á wãk'ari sĩraporode k'obeesima. Maapae ãareaɨrã k'ĩrari jarasima sãmaasã́ Jesú t'õmarik'ari mãɨnepa ara mãɨne jɨpa beesit'a. Mãɨne Jesupa jarasima: —K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse.

Mãɨpuru Jesú ɨ̃rɨmanak'ari nãɨya jarasidama: —Jarateaparí, Jarateaparí, ¡Tachi k'uawãmaa p'anɨma! Jesú p'irabarik'ari nãua mãɨnepa to t'awá jarasima k'ĩup'eamẽrá. Ara mãɨne ãarea ap'i t'umá ũu beesima.