Populære bibelvers fra Juan 1

Del

Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Jua chiwidieda chi Pedea apataɨ basima. Mãɨ Pedea apataɨ Tachi Ak'õre ome basima. Piarã mãɨ Tachi Ak'õret'u ara mãɨya basima.

Mãɨ ɨnaa p'ãrione urua bɨ jĩra bɨma. P'ãriopa mãɨ ɨnaa bɨt'a p'ue k'iap'et'aiwẽma.

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Ichidepa Tachi Ak'õrepa ne ãarea oosima. Ichiwẽa, Tachi Ak'õrepa mi ãpia pida ne ooé pasima. Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Mãɨ ɨnaa bɨ ĩjũane basima. Tachi Ak'õrepa ichidepa nãɨ ĩjũa oodamina nãɨ ĩjũanepemarãpa ichi k'awadaé pasima. Pajãnepa ichi tuadepemarãmá chesima. Ya ãchia ichi jitadaé pasima.

Chi nãɨ ĩjũane chei badat'a, mãɨ chi piarãpẽa ɨnaa bɨpɨ. Mãɨ ãareaɨrã pae urua bɨma.

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.