Populære bibelvers fra Yohanise 6

Del

Yesuusani <<Yeso inge booray tambako. Taako yoonesi koolona naayuttuwasso, tamba aadexesi koolona sazzuwasso.

Yeso ingesi Wonto Ayaanako. Axi osamay abani go'ese danda'uwasso. Tani hinuse zeerdo katoy Ayaana ingesako, yesoni ingesako.

Baane kaxase hantofita! Koolo makkina yeso inge kaxase hantuwayte! Ye esani axi yele hidi hiyuttasi hinuse ingako e inge. Ade maaqe Wontoy axi yele hidi hiyuttesuna be maxo be hantenike addussiko e yese>> hidi e hido.

Nuwade maxoy yele beedi esa aadexesi uddi koolo makkina yeso e degexorosako. Tanini aallicira wonte haybowafa ye esa denxako ta denxe>> hidi e hido.

Yesuusani <<Wontoy hi hantoronike worgesi Wontoy ansosa hi aadexorosako>> yeydi e mato.

Adey taase indosi taako yootako e yoone, taako yoonesa tani wude gooduwasso.

Yenniyakani Phexhrose sunda Simooney <<Laaxo, oonekoni nu hamme? Neni koolo makkina yeso inge katoko ne zeere.

Afaafa hoddha en'a booray tambako. Ha booraafa muunesi ooneni koolo makkinako e yese. Ha saha gara yese axi yeso u keemoronike ta inge booray ta achoko>> yeydi e hido.

Tamba ansa adey taako gooshosha baaka taako yoowese ooneni danda'uwasso. Taako yoonesa tani aallicira wonteko haybowafa esa ta denxe.

Wontokofa ingutta aade booray afaafa hodhi ha saha gara yese axituse yeso ingesako>> hidi e hido.

Tani yeso inge boorako.

Ye e geede Yesuusay boora densi Wonto galatti ye uttecha axituse e taddo. Yeydiwo gulxheni e taddo. Axitini be uddina be worge makkoni muudi u missho. Yesuusay be erusichoshituko <<Atta baxi laaqani attuwannike bhikkiluwayte!>> hidi e hido.

E erusichoshiti ichiche oo'oyne izzuppi kiilo meetire ellesa bagade garana shardi u handesune Yesuusay waaxi garana tokena hanti yoodi zabha uddhi e yoosune beedi u jhassho. Esini <<Jhasshofita, tambako!>> hidi e hido.