Populære bibelvers fra matta 18

Del

ašku innaġ‑d‑munn sin nġd kraḍ s‑ism‑inu, rad‑iliġ nkki ġ‑wammas‑nsn.»

rad‑awn‑iniġ kra yaḍni, iġ‑d‑mšaškan sin gigun ġ‑ddunit f‑kra ḍalbn i‑baba rbbi n‑ignna, rad‑asn‑yili.

iġr‑d yasuɛ i‑yan‑warraw imẓẓin s‑dars, yawi‑t‑id s‑wammas‑nsn yini‑asn: «lḥqq a‑rad‑awn‑iniġ, iġ‑ur‑tbddilm twrrim tgm zund tarwa mẓẓinin, ur‑sar‑tkšimm s‑tgldit n‑ignna.

wanna iẓẓimẓin ih̬f‑ns zund arraw‑ad, nttan a‑imqqurn ġ‑tgldit n‑ignna.

d‑wanna iqbln yan‑warraw imẓẓin zund ġwad s‑ism‑inu, hati iqbl‑iyi.

«lḥqq a‑rad‑awn‑iniġ, aynna tkrsm ġ‑ddunit ityawkras ġ‑ignna, d‑aynna tfsim ġ‑ddunit ityawfsay ġ‑ignna.

ġmkan a‑ra‑iskr baba rbbi n‑ignna i‑kullu wanna gigun ur‑iṣamḥn i‑gʷmas s‑nnit n‑uwl‑ns.»

«walaynni wanna issḍrn yan zġ‑imẓẓiyn‑ad lli‑sri‑umnnin, yuf‑as mrad is‑as‑ityaggal‑uẓru n‑uzrg imqqurn ġ‑umggrḍ‑ns ih̬si‑n ġ‑tdrut n‑umda.

ma‑ra‑tinim? ma‑ra‑iskr yan dar miyya n‑ih̬f n‑uwlli iġ‑as‑tjla yat gisnt? is‑ur‑ra‑ifl tẓa n‑id‑mraw d‑tẓa (99) frdnt ġ‑iwrar, iddu ar‑isiggil s‑talli ijlan?