Populære bibelvers fra luqa 17

Del

yini‑as ilmma: «nkr, mun d‑uġaras‑nnk. ha‑kiyi tumnt, mayan a‑f‑tġust.»

iġ‑a‑yak‑iskar lh̬ʷšant ssa n‑twal ġ‑yan‑wass ar‑d‑ittaški ssa n‑twal ar‑ak‑ittini: ‹tʷgraẓ‑iyi f‑mad‑skrġ, ur‑sul‑ra‑t‑skrġ,› illa fllak ad‑as‑ttṣamaḥt.»

yan gisn, lliġ iẓra ih̬f‑ns ijji, iwrri‑d yall awal‑ns ar‑italġ rbbi, iḍr f‑uwdm‑ns ġ‑dar iḍarn n‑yasuɛ ar‑t‑itškar. iga ntta gu‑samira.

awiyat‑stt ġ‑ih̬f‑nnun. iġ‑iskr gʷmak kra yʷh̬šnn, sawl srs baš a‑ur‑t‑sul‑iskr. iġ‑tʷgraẓ gʷmak ifl lh̬ʷšant‑an, ṣamḥ‑as.

isawl yasuɛ yini: «is‑urd mraw a‑iġusn? manza tẓa yaḍni?

irar‑asn siditnnġ: «mrad is‑gigun‑illa liman unšk n‑taqqayt imẓẓin l‑lh̬rdl, ra‑tinim i‑tsġart‑ad n‑imršiq ‹akuf ttyawẓẓat‑n ġ‑umda› ra‑tskr s‑mad‑as‑tnnam.

wanna isiggiln a‑ijjnjm tudrt‑ns ra‑stt‑ijlu. d‑wanna ijlan tudrt‑ns ra‑stt‑ijjnjm.

isawl yasuɛ s‑imḥḍarn‑ns yini‑asn: «iqqan‑d ad‑ilint tabayḍḍrin ma‑issṭarn mddn, walaynni taguḍi a‑ra‑yili i‑wanna‑tnt‑in‑israsn. yuf‑as iġ‑as‑ityaggal‑uẓru n‑uzrg ġ‑umggrḍ‑ns ityawgar‑n ġ‑umda, ula issḍr yan zġ‑imẓẓiyn‑ad.

zund ġaylli illan ġ‑uwssan n‑nuḥ a‑ra‑yili ġ‑uwssan‑an ġ‑ra‑d‑yašk yus n‑bnadm. ar‑šttan mddn ar‑ssan ar‑ttahaln ar‑ttahalnt ar ass lli‑ġ‑ikšm nuḥ s‑wanaw ġlin‑d‑srsn‑waman ggutnin tyawhlakn kullutn.