Populære bibelvers fra YAHYA 16

Del

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

Iamo' kareb Roh luk matu macing, idi Ieh miak nguit nemuyuh semuet bang amung-amung luk matu. Na Ieh pebala maya' pianNeh sebuleng, iamo' anun-anun luk pedingerenNeh, ineh teh luk miak belénNeh. Ieh miak mada' nemuyuh ratnan luk miak macing.

Macing nekini pana' muyuh nateh nemuyuh anun-anun bang ngadanKu. Do' mutuh, pad muyuh miak ngalap, pad awang muyuh miak meriput peh.

Iamo' Ui mala luk matu kuan muyuh, do' kuan muyuh kudeng Ui ini amé', ngaceku kudeng Ui na amé', Lun Ngedenan ineh na miak macing nemuyuh; iamo' kudeng Ui amé'. Ui miak ngecuk Neneh amé' nemuyuh. Idi kareb Ieh macing Ieh miak ngegala' kuan uang tana' ini ratnan ideh sala' terawé ratnan kekamen luk dat idi ratnan luk matu idi ratnan ukum.

Kudeng ineh teh muyuh mesusa' nekini, iamo' Ui miak nier nemuyuh teh, idi miak muyuh mepanu' ku awang, idi seburur pana' nateh luk miak ngalap awang ineh rat nemuyuh. “Kareb aco sineh muyuh na miak mutuh anun-anun rat Negku peh. Matu, Ui pebala nemuyuh, Taman ineh miak maré nemuyuh anun-anun luk pituen muyuh bang ngadanKu.

Matu, Ui pebala nemuyuh, muyuh miak nangi' idi temido, iamo' uang tana' ini miak mawang niat; idi muyuh ini miak mesusa' niat, iamo' susa' muyuh miak misu' mangun ku awang.