Populære bibelvers fra Matayos 5

Del

Nemeinok iltung'anak enkilang'et nepik kop olkisembe, kake epik shumata enkibung'et, peilang'aki pookin lootii atua aji. Neijia njeilang'isho enkilang'et inyi tʼengomom oo ltung'anak, petum aatadol nkitobirat inyi sidan, peitadaraa Minyi linyi otii shumata.

Irara ndai enkilang'et olmaa. Meidim engang' aisudori natii enetala.

Teshi looibor iltauja, amu epuo aadol lelo Engai.

Teshi looata olamei o enkure esupato, amu epuo aaraposho lelo.

Kake aliki nanu ndai: Entonyor ilmang'ati linyi; entamayan loodek ndai; entobirakiti sidan looiba ndai; entasayakiti looitarriki neinyal ndai

Teshi loora laisinak lʼolmumua, amu era enkarsishu Engai enenye.

Teshi loonyor eseriani, amu epuoi aaipot lelo nkera Engai.

Teshi looata enkilishoto, amu epuoi aaitigir lelo.

Teshi looinyali tʼolbae lʼesupato, amu enenye enkarsishu e shumata.

Teshi loonana oshuak, amu epuoi aaibung'aki engoshoke nanana.

Irara ndai teshi, teni emor neinyal iltung'anak ndai neiro ntorrok too ndai tʼolbae lai, elejisho. Enting'idata, entagoluoto, amu kitok olkwaje linyi te shumata. Amu neijia einyala ninje layolounok looiturukie ndai.

Teshi loobor, amu epuo aajung'u lelo enkop.

Irara ndai emakat olmaa. Kake teni etarruoiye emakat — kainyo epiki, pejing'aa? Meitoki aaku tukul, kake eiturrakini boo, neroro olorere ninye.

Onaa meata kata nimintabaiaia aten anaa peata Minyi linyi le shumata enkitabaiaroto.

Njeaku rorei linyi: Ee, ee; me, me! Enalang' kulo, nepukunye oltorrono.

Itoning'o, aajo etejoki: Engong'u tʼengongʼu, olalai tʼolalai! Kake aliki nanu ndai: Emigilunore entorroni! kake olikiosh eseder e tatene, mbelekenyaki ninye en e are!

Teni kintapong'oo engong'u ino e tatene, tukurtu ninye, nturraki enelakwa; amu eikash te iye, teni eimin embata ino nabo, nemenang'akini osesen lino olulung'a atua enkima e gehena. Teni kintapong'oo engaina ino e tatene, tudung'o ninye, nturraki enelakwa, amu eikash te iye, teni eimin embata ino nabo, pemelo osesen lino olulung'a atua gehena.