Populære bibelvers fra Lucas 6

Del

Mo'otë ja ja'ay tii yajmëyäjtypyën, ets ja Dios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Dios winë mo'ojëtëty ijxtëm ënety ja ja'ay winë xymyo'otën.

Ja oyjyä'äy, oy ja kyajpxën myëtyakën, jä'äkyëjxm ko twinma'any'äty ja oypyë. Ja ëxëëk ja'ay, ëxëëk ja kyajpxën myëtyakën jä'äkyëjxm ko twinma'any'äty ja ka'apë y'oyëtyën. Mëti'ipë jyootjoty wyinma'anyjyotyën, yë'ë kyajpxpëtsëëmpy.

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Mpa'ëyowtëp miits ja ja'ay ijxtëm ja Dios Teety pya'ëyoyën.

Ka'ap wiinkëtypë xy'ixtëty xytyuntëty ets ja Dios ka'ap näjyëtu'un m'ixëtëty mtunëtëty. Ka'ap wiinkëtypë xypoky'ixtëty ets ja Dios ka'ap mpoky'ixëtëty. Nimä'kxtë ja ja'ay ets ja Dios mnimä'kxëtëty.

E miitsëty mëti'ipës n'aaw n'ayuk myëtoow'ijtëpën, tsoktë ja mmëtsip, putëkëtë mëti'ipë mkatsojkëtëpën. Amëtowtë Dios ets tkënu'kxëty mëti'ipë mkajpxpojkëtëpën, tuknija'amyätsëtë Dios mëti'ipë oywyi'ixjaty mtuunëtëp mnëmaayëtëpën.

Ijxtëm miits xytsyoktën ets ja ja'ay winë tunëty, näjyëtu'un miits winë tuntë.

Ko pën m'apojtsë'ëkëtëty, jaaktimmo'o ja tu'k'atu'um, wä'än mjaaktimy'apojtsë'ëkyë; ko pën yë mnëxuy mpëjkëtëty, jaaktimmo'o yë mnijän. Pën tii m'amëtoowëp, mo'o; ko ja'ay tii mpëjkëtëty, këtii jatëkok xy'amëtowëty.

Ma ja kepy ja oypyën, ka'ap ja tyëëm ëxëëk pyëtsimy; ëkë ja ka'apë y'oykyepëtyën, nimaa ja tyëëm kyapëtsemy oy.

Ja tyëëm yajtuk'ijxkajp pën oy ëkë ëxëëk ja kepy: Ka'ap ja xe'enky tsya'am yajtuky ma ja äpny kepyën; ets ka'ap ja tsatsymtsya'am jam yajtuky ma ja tsëmu'un kepyën.