Populære bibelvers fra Sélimɛ 9

Del

A Kulocɛliɛ ń'nɛ̀ jo: «Mi nyakungɛngɛ ki fìɛ n'ŋɛ ŋàa wī mi nɛ́ yeli sunʔɔmɔ ní bè, mi nɛ́ yawiire ti mìɛni ní dàa dī nɛ́ yeli ní wè; ki fìɛ ŋáà wi bé puu yeli nɛ́ kɛ̀ngɛlɛ ke mìɛni siɛnnɛ ní bèle súuri. Mi kàsaŋɔnɔ ń'nɛ̀; mi nyɛ́nì ni tɛ́ngɛ kàsadibarɛ nī dè, kire ga buu ni‑ puu mi nyakungɛngɛ ki fìɛ, gàa mi 'kpíʔile nɛ́ duniya ní wè.

A ki pɛ́nì puu lɛ̀lɛ ó lɛ̀lɛ nī kàsaŋɔnɔ ni 'yiri kàsadibarɛ nɛ̄ dè, m'bé ni wéli bè sɔ̀ngi bè taa nɛ́ bànguɔ nyakungɛngɛ siɛnrɛ ní dè, dàa dī mi Kulocɛliɛ nɛ́ duniya yawiire nɛ́ siɛnnɛ pe mìɛni sunʔɔmɔ ní bè.»

Siɛn ó siɛn wi 'siɛn kpúu wè, kire siɛn míɛni wè siɛnnɛ pe 'yɛli bè wi kpúu wī. Nɛ́ ki cɛ́n Kulocɛliɛ wi nyɛ́nì siɛnnɛ faan bèle wi líɛrɛ.

A Kulocɛliɛ wi 'diba taʔa wè Nɔwe nɛ́ wi jaala nɛ̄ bèle, nɛ́ jo: «Yeri sii ye niʔɛ, ye‑ dàala le lè ni‑ nyì.

«Kɛnmɛ bíì nɛ̄ mi yé dàala yaliire nɛ́ tiire yasɛnrɛ ti mìɛni kɛn yeli mɛ́ wè, kire kɛnmɛ nɛ̄ míɛni m'bé yawiire ti mìɛni kɛn yeli mɛ́. Yɛlɛ ó yɛlɛ nī sìi nɛ̄ níɛ nyaari wè, ti‑ puu kaara yeli mɛ́.

Gàa ki 'yawiire ti mìɛni kúɔ dè, nɛ́ yafinide ní dè, nɛ́ yafulolido ní dè, nɛ̄ fàri fúɔlɔ nɛ̄ bèle, ti béri fìʔɛ́ kpuʔɔ yeli kɛnmɛ nɛ̄; mi 'ti mìɛni kɛn yeli mɛ́ yeli ye bé puu ti kàfɔlilɔ bèle.

«Yeli bèle, ye‑ sii ye niʔɛ, ye‑ sii ye kàa fàri nìʔɛgɛ yìye nɛ̄ dàala nɛ̄ lè.»