Populære bibelvers fra Za 3

Del

Cibilë Nzaambi wuzolë buloongo n'viipë, wuvaanë mwanaandi mweekë vwiili mu kuba wunë wun'ta lyaanë mu naandi wuleembu kunyambëkënë kasi wubakë luziingu lu sakë yi sakë.

Nzaambi sye filë mwanaandi mu buloongo ko mu kubufundisi, kasi mu kubuvuuci mu naandi.

Yeesu wusë n'vutulilë : « Cibeeni, miinu yikukaambë licyelikë: muutu ve wum'podi kumonë Lwaangu lu Nzaambi, mooti naandi sye be butu mbutukulu yimoonë kuve. »

Wunë wun'ta maanë mu Mwaanë bisë kun'fundisi kuve, kasi wunë wun'kaambu kuta maanë bëkufundisi, cibilë wusye teelë maanë ko mu Mwaanë viingu wu Nzaambi.

Talaanu lufundusu buni lun'kwisilaangë: cyeseesë ciyisë mu buloongo, kasi baatu bëzolisi citoombi kuvyookë cyeseesë, cibilë mëvaangë maawu mëbi.

Naandi fwenikini kumakë, bwiinji miinu yikulukë. »

Wosuku wun'vaangaangë libi, wun'kwakënaangë yi cyeseesë, cibilë wum'maangaangë mëvaangë maandi mëbi kumonikë fë ciyalëlë.

Muutu wunë wun'teelë lyaanë mu Mwaanë wum'bakë luziingu lu sakë yi sakë. Wunë wun'kaambu kuteelë lyaanë mu Mwaanë, naandi wusë mbakë luziingu ko, kasi mwaangu Nzaambi wun'kalilë yaandi.

Dedë mweekë Moyiizë wutelikë nyookë mu ntaandu ciyumi, bwa boobo, lufwenikini kutelikë Mwaanë Muutu

Taatë be zolë Mwaanë i naandi wuvaanë byakë byooso mu lutumu lwaandi.