Populære bibelvers fra Joni 16

Del

Ndamwaambila makani aaya kutegwa mube aluumuno mukusyoma ndime. Ansi aano nywebo muli mumapenzi mapati. Nikuba boobo amubotelwe, ndabuzunda bubi bwaansi aano.”

Lino azoosika Muuya wiisya zyabwini, uzoomusololela mumakani aabwini oonse. Nkaambo tazooambi zyakwe mwini pe, pele uzoolungulula eezyo zyoonse nzyaakamvwa kuli Taata, nkabela uzoomwaambila zintu ziciboola.

Kusikila ono tamunakumbila cintu muzina lyangu. Amukumbile, mulatambula kutegwa mutangale kapati.

Ndiyanda kumwaambila masimpe kuti, ncibotu kulindinywe kuti ngunke. Nkaambo kuti nsiciti boobo Mugwasyi takoosika kulindinywe pe. Pele naa ndainka ndiyoomutuma kulindinywe. Lino asika uzoobazula bamunyika kuti balilubizizye mumulandu wacinyonyoono, awabululami awalubeta.

Mbubonya oobo nikuba kuti ono muluuside, pele ndazooboola kulindinywe alimwi, myoyo yanu izootangala, nkabela taakwe uuyoogwisya lutangalo lwanu pe. Mubuzuba oobo taakwe ncemuyoondikumbila. Ncobeni, kufumbwa ncemuyookumbila kuli Taata muzina lyangu uyoomupa.

Ncobeni, nywebo muyoolila akuusa kapati, pele bamunyika bayoosekelela. Muyoousa cakuba aabuumba, pele kuusa kwanu kuyooba lutangalo.