Populære bibelvers fra Markus 5

Del

Ḏua Unanga 'o kanau i'a ra munanga, “ 'Ari ngowa'a, sababu ngana no ngaku Ngoi, ngana no la. No tagi rani dame sababu ngana reno la.”

Toma ngowa'a repe manga sigolona, 'age rema we-were'a matengo mo siḏi mi ngaunu pa'ala, 'i ma'u dogo ḏi'i maoḏi'i 'ami siḏi, ma di'ara musungu nyagi moi re romoḏiḏi ḏua. 'Ami 'ori i'a rana mai mawu'unu rema moini ja'a mi sou'u ma bo-bangu, mada'a mo la ua; siḏibo ḏi'i 'ami si-siḏi ganapu dogo!

Munanga macigi 'a Yesus 'ai juba, re toma 'orasa gena-ge ḏua, 'ami ngaunu pa'ala riwara. Munanga mo mabasono tala re mo la.

Yesus 'a gu'u 'ami giama re 'o kanau i'a ra munanga, “Talita kum” ma ngale: “Ngowa 'olo were'a, no momi'i.”

Yesus 'o ka-kanau moju, 'a Yairus 'ai so-soma'a nga muḏuo i'a 'aḏi sapolo da'a ra unanga 'ai wala ino. Ananga 'aḏi kanau i'a ra unanga, “Tuanga, 'ani ngowa'a were'a remo sengene. Tuanga, no sikangela Guru rawara.” Yesus ya'u siwaro i'a ua ananga, re 'o kanau i'a ra Yairus, “Mojongo awa, ngaku ḇato.”

Wakutu, Yesus 'o kanau i'a toma ngowa'a gena-ge, “Roh ma jira, no supu toma ngowa'a nena-ne,” roh ma jira 'i kanau ma iḏingi ya siduga-duga, “Rini 'oru ngoi, Yesus, Ma Jou'ongu Madutu toma Gau'u 'Ai Ngowa'a Nau'u? Ngoi to madigaro'o ra Ma Jou'ongu Madutu 'ai lomanga, awa no sijira ngoi.” Ḏua Yesus 'o sano unanga, “ 'Ani lomanga 'a guna?” Roh ma jira 'i sangoro, “Ngoi 'ari lomanga ‘Repe’ sababu ngomi roh ma jira lami repe.”