Populære bibelvers fra Markus 2

Del

Yesus 'a 'isene so'o gena re 'O kanau, “Ngowa'a kamanga si-siḏi ua 'aḏi paralu dotere ua. Pa'i ngowa'a remanga si-siḏi ḇato ananga 'aḏi paralu dotere. So'o gena ḏi'i, Ngoi to sapolo ua di'a 'aro'o ngowa'a loasa re banari, mada'a di'a 'aro'o ngowa'a baraḏosa.”

Wakutu Yesus 'a oḏi'i ngowa'a nga ḏuata gena-ge manga ga'a sababu manga ngo-ngaku lai te'e, Unanga 'o kanau i'a toma ngowa'a ḇolo gena-ge, “ 'Ari ngowa'a, 'ani ḏosa-ḏosa 'i singi-ngiranga ḏua.”

Ḏua Yesus 'o kanau, “Ma Jou'ongu Madutu 'o 'a'a manusia di'a Sabata ma wangere ua mada'a Ma Jou'ongu Madutu 'o 'a'a Sabata ma wangere di'a manusia.

Mada'a ngowa'a 'aḏi repe woḏi dadi 'aḏi sebanga i'a yoḏu'u. Ḏua ananga 'aḏi pere ya tiwa'a wala ma 'atu pasi-pasi tala ra Yesus 'ai re'u ie. Gena ḏua, ananga 'aḏi siguci ngowa'a ḇolo gena-ge simete'e 'ai usungana soi moi.

Mada'a nange-ne ngoi ta sibukiti ra ngini mangale Ngoi, Manusia ma Ngowa'a Nau'u masiretene rari kuasa nga'unu ta singi-ngiranga ngowa-ngowa'a manga ḏosa toma dungia nena-ne.” Gena ḏua, Yesus 'o kanau i'a toma ngowa'a ḇolo gena-ge, “Momi'i ie, na tede 'ani 'usungana re no maḏibo!”

Le'a lebe gapanga si'a'a: Ngoi nyengara to kanau toma ngowa'a ḇolo nena-ne ‘ 'Ani ḏosa ta singi-ngiranga ḏua’ bolo nyengara to kanau, ‘Momi'i no tede 'ani usungana re no tagi’?

Unanga 'o momi'i, jau-jau 'o 'oro 'ai usungana kara 'o supu toma ngowa'a repe manga biono. Ananga 'aḏi heranga masala re 'aḏi puji re silamo'o Ma Jou'ongu Madutu 'ai lomanga re 'aḏi kanau, “Ma di'ara ne, wa oḏi'i nyangu 'i dadi so'o nena-ne!”