Populære bibelvers fra MARCOS 4

Del

Ilic la ti Jesuse, ispajes la li iqꞌue, ivaxi la yuꞌun li nabe. ―¿Cꞌu yuꞌun ti chaxiꞌique? ¿Mi mu to bu achꞌunojic yaꞌel ti voꞌon tsots jyuꞌele? ―xꞌutatic la.

Más to la ixiꞌic. Xalxalbe xa la sbaic: ―¿Muchꞌu li vinic liꞌi ti jliquel ispajes li iqꞌue, ti ivaxi yuꞌun li nabe? ―xut xa la sbaic.

Ti Jesuse tey la vayem ta chac canova, yacꞌoj la xonjol. Istijic la. ―Jchanubtasvanej, ¿mi muc ta alel avuꞌun ti chimucotic xa yalele? ―xutic la.

Iꞌalbatic la noxtoc: ―Aꞌibeic me lec smelol li cꞌusi chacalbeique. Ti jaypꞌel chachꞌunic li cꞌusi chacalbeique, más to chaspꞌijubtasic ti Rioxe.

Ti Jesuse jaꞌ la yech lic yal noxtoc: ―Ti Rioxe tey snaꞌoj stuc cꞌu xꞌelan tspas ta mantal crixchanoetic. Coꞌol xchiꞌuc trigo ti isvaj ta yosil jun vinique. Li vinique jun yoꞌon chvay. Cꞌalal sacube, chlic. Jaꞌ noꞌox chil ti ivocꞌ xa li strigoe pero mu snaꞌ cꞌu xꞌelan ivocꞌ.

Voꞌoxuc ti avaꞌiic ti cꞌusi icale, nopbeic smelol ―xꞌutatic la yuꞌun ti Jesuse.