Populære bibelvers fra MARCOS 2

Del

Ti Jesuse iyaꞌi la ti cꞌusi iyalique. ―Ti muchꞌutic leque mu cꞌu stu yuꞌunic jpoxtavanej; jaꞌ noꞌox ti muchꞌutic ipe. Li voꞌone maꞌuc tal jsaꞌ ti muchꞌutic chꞌabal smul ti yalojique. Jaꞌ tal jsaꞌ ti muchꞌutic oy smulique yoꞌ xictaic oe ―xꞌutatic la yuꞌun ti Jesuse.

Ti Jesuse iyil la ti xchꞌunojic ti oy syuꞌele. ―Jchꞌamal, acꞌbilot xa pertonal yuꞌun lamule ―xut la ti jchamele.

Iyal noxtoc ti Jesuse: ―Ti Rioxe xchꞌacoj jun cꞌacꞌal yuꞌun ta jcuxtic. Pero maꞌuc ichꞌaque o li jun cꞌacꞌale ti chisujatotic ta xchabiele.

Muc la sta ochel sbeic jaꞌ la ti toj noj ti nae. Solel la imuyic ta bana yuꞌun pachꞌal. Ixchꞌojic la jsetꞌ, tey la isyalesic xchiꞌuc spop ti jchamele. Tey la icꞌot ta stuqꞌuil ti Jesuse.

Li voꞌone ical ti acꞌbil xa pertonal yuꞌun smul li vinique. Pero qꞌuelic me cꞌusi ta jpas lavie yoꞌ xavilic o ti voꞌon noꞌox ta xcacꞌbe pertonal yuꞌun smulic li crixchanoetic liꞌ ta sba balamile, voꞌon ti coꞌol crixchanootique ―xꞌutatic la yuꞌun ti Jesuse. ―Voꞌon chacalbe, lican, tamo echꞌel lapope, batan ta ana ―xꞌutat la yuꞌun Jesús ti vinique.

Ti xꞌelan icalbe li vinique ti “acꞌbilot xa pertonal yuꞌun lamule”, xcute, muchꞌuuc noꞌox xuꞌ chal yech, yuꞌun mu vocluc ta alel. Jaꞌ noꞌox yech mu vocluc ta alel ti “lican, tamo echꞌel lapope, xanavan”, xichiotique. Pero jaꞌ tscꞌan chaqꞌuelic mi chcꞌot scꞌop ti muchꞌu yech chale.

Ora la ilic. Iyil la scotolic ti iyichꞌ echꞌel ti spope, ilocꞌ la echꞌel. Xchꞌayet xa la yoꞌonic ti crixchanoetique. ―Coliyal Riox muc bu xquiltic o yech ti xꞌelan tspase ―xiic la.